San Lucas 2:4 - Biblia Guarani Tumpa Iñee

⁴ Jare José vi ojo Nazaret Galilea pegua güi tëta Belén Judea pegua pe. Echa jae ko David iñemuña reta pegua, echa David jëta ko jae Belén.

Nuevo Testamento Guaraní Pe

⁴ Jare José vi ojo Nazaret Galilea pegua güi tenta Belén Judea pegua pe. Echa jae co David iñemoña reta pegua, jare David jenta co jae Belén.

San Lucas 2:4 Iomraidhean Croise

GÉNESIS 35:19

Jökorai omano Raquel tape Efrata kotɨ ojo vae rupi, jae ko Belén, jare joko pe oñotɨ reta.

GÉNESIS 48:7

Echa che ayu aiko Padan-aram güi yave, ndesɨ Raquel omano chegüi tape rupi, Efrata kotɨ ojo vae pe, jae ko Belén, joko pe añotɨ.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Lucas 2:3

Jare opaete vae yogüɨraja jëta jëta ae pe oyepapauka vaerä.

San Lucas 2:5

Jáeramo José ojo Belén pe oyepapauka vaerä, jare güɨraja vi María, jae ko imenda ïrurä vae; María ipurúa oï.

San Lucas 4:16

Jayave ou ye Nazaret pe, jókuae jae okuakuaa pe. Jare ara mbutuu pe oike judío reta itupao pe, oyapoñoi rami, jare opüa Tumpa iñee omongeta vaerä.

San Juan 1:46

Jayave Natanael jei: —¿Oime ra mbae ikavi vae oë vaerä Nazaret güi? Felipe jei: —Eyu emae jese.

San Juan 7:42

Echa Tumpa Iñee pe jei David iñemuña güi jare tëta Belén David jëta güi ko oëta Cristo.

RUT 1:19

jayave mókoi reve yogüɨraja Belén kotɨ. Jare opa ma yogüɨraja oväe Belén pe yave, opaete tëta guasu pegua reta ipɨakañɨ, jae ou oväe jeko pegua, jare jei reta: —¿Jaeä pa ko kuae Noemí?

RUT 2:4

Jókuae ara etei Booz ou oväe Belén güi, jare ombaepoo vae reta pe jei: —¡YandeYa toï pe ndive! Jare jae reta jei chupe: —¡YandeYa tiporerekua nderé!

RUT 4:11

Jare tenondegua reta jare opaete joko pe ñogüɨnoi vae reta jei: —Orerovake ko reyapo. ¡YandeYa toyapo ndeve jókuae kuña oiketa ndero pe vae Raquel jare Lea rami, kuae reta güi oñemuña tëta Israel! Jare nde eiko kuimbae tuicha yae vae Efrata pe, jare jërakua vae Belén pe.

RUT 4:17

Jare jëta iyɨpɨ pegua reta ombojee, jei reta reve: —¡Noemí pe oa metei kunumi! Jare ombojee reta Obed. Kuae ko jae Isaí tu, David tamɨi.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 16:4

Jare Samuel oyapo yandeYa jei chupe rami, ojo oväe Belén pe yave, jókuae tëta guasu itenondegua reta oë oövaiti okɨɨye reve, jare jei reta: —¿Reyu pa mbɨakatu peguarä?

1 SAMUEL 17:12

David jae ko Efrataɨgua Isaí taɨ, tëta Belén Judá pegua, jae güɨnoi juri taɨ. Saúl oiko mburuvicharä yave, jae indechi yae ma ïru reta ipɨte pe.

1 SAMUEL 17:58

Jare Saúl oparandu chupe: —Kunumi, ¿kia taɨ pa nde? David jei: —Nderembiokuai Isaí Belén pegua taɨ ko che.

1 SAMUEL 20:6

Jare nderu chereeka yave, ere chupe chemoñera amaeño vaerä ojo jëta Belén pe, echa joko pe jëtara reta omee mɨmba oyeyukagüe año ñavo.