San Lucas 2:36 - Biblia Guarani Tumpa Iñee

³⁶ Jare oï vi joko pe ñeemombeúa kuña Ana jee vae, Fanuel tayɨ. Fanuel jae ko ñemuña Aser pegua. Ana itɨ̈aro yae ma. Omenda güire jaeño chiu año oiko ime ndive.

Nuevo Testamento Guaraní Pe

³⁶ Jare oico vi metei cuña Ana jee vae. Jae co Fanuel tayɨ. Jocuae Fanuel co jae atɨ Aser jee vae pegua. Ana co jae Tumpa iñee omombeu vae. Itɨaro yae ma. Jaeño siete año oico ime ndive.

San Lucas 2:36 Iomraidhean Croise

GÉNESIS 30:13

Jayave Lea jei: “¡Ayerovia yae! Añave kuña reta jeita chekotɨ che ko ayerovia vae.” Jare ombojee Aser.

2 REYES 22:14

Jayave sacerdote Hilcías, Ahicam, Acbor, Safán jare Asaías yogüɨraja ñeemombeúa kuña Hulda pɨri, Salum jembireko; Salum jae ko Ticva taɨ, Harhas jɨmɨmino, temimonde reta iñovatúa. Hulda oiko tëta guasu Jerusalén jembeɨ kotɨ, jare omomiari reta yave,

JOB 5:26

Ndendechi yae pe remanota, trigo yagüɨye ma yave oyemboɨru vae rami.

SALMOS 92:14

Yepe indechi tëi, ërei iata; oikove katu avei jare jokɨ katu avei,

ÉXODO 15:20

Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,

EZEQUIEL 13:17

Nde kuimbae, añave emboeta kuña reta nerëtaɨgua iyeugüi aeño mbae omoërakua vae reta pe, emombeu maratuta vae ikotɨ reta.

San Lucas 2:35

Echa oyekuaata opaete vae ipɨa pe oï vae. Jare nde etei ndepɨatɨtɨ yaeta jese.

San Lucas 2:38

Jae ou José jare María jare Jesús ñogüɨnoia pe. Jayave jae vi omee yasoropai Tumpa pe, jare imiari Jesús re opaete yeyora oäro ñogüɨnoi Jerusalén pe vae reta pe.

Hechos 2:18

Jare jókuae ara reta pe ambouta cheEspíritu kuimbae reta jare kuña reta oyeokuai cheve vae pe, jare omombeu retata cheregua.

Hechos 21:9

Kuae kuimbae güɨnoi irundɨ tayɨ ndei omenda vae ñeemombeúa reta.

1 Corintios 11:5

Ërei metei kuña oyerure Tumpa pe yave ani omoërakua Tumpa iñee ïru vae reta pe oñeäka-soimbae reve yave, metei ñemomarai vi ko; echa oñeapiasɨ vae rami ko.

1 Corintios 12:1

Cherɨvɨ reta, mbaetɨ aipota peiko peikuaambae reve Espíritu Santo mbaepuere omee vae regua.

1 Timoteo 3:2

Ërei ikavi ko oporogüɨrovia vae reta itenondegua re agüɨye oñeväe teko, meteiño tijembireko, agüɨyeta jei jeiiño, toyeandu katu, toyapo ikavi vae, tomboresive katu mboupa, toikatu toporomboe;

1 Timoteo 5:9

Imemano vae reta jee ipɨte pe jaeño toï sesenta año güɨnoi vae güi kutɨ, meteiño ime vae,

JOSUÉ 19:24

Pandepoa ɨvɨ oyembosuerte vae oë Aser iñemuña reta imbaerä, jëtara ñavo rupi,

Apocalipsis 7:6

Aser iñemuña reta güi doce mil, Neftalí iñemuña reta güi doce mil, Manasés iñemuña reta güi doce mil,

JUECES 4:4

Jókuae ara rupi mburuvicharä oiko metei kuña Israel iñemuña reta re, jae ko ñeemombeúa Débora, Lapidot jembireko.

1 SAMUEL 1:2

Jare Elcana mókoi jembireko. Metei jee Ana, ïru jee Penina. Jare Penina oime imembɨ reta, ërei Ana mbaetɨ imembɨ.