San Lucas 19:17 - Biblia Guarani Tumpa Iñee

¹⁷ Jayave iya jei jókuae jembiokuai pe: ‘Cherembiokuai ikavi vae. Ikavi yae ko reyapogüe. Reyeokuai kavi cheve kuae mbovɨ vae re ramo, reporookuaita payandepo tëta guasu re.’

Nuevo Testamento Guaraní Pe

¹⁷ Jayave iya jei jocuae jembiócuai pe: Icavi reyapo. Nde co jae cherembiócuai icavi vae. Cuae amee ndeve vae michi yae. Erei remombaravɨquɨ cavi. Jae rambue che toroñono diez tenta pegua reta juvichara —jei, jei—.

San Lucas 19:17 Iomraidhean Croise

GÉNESIS 39:4

Jökorai iya oyerovia katu omae José re, jare oyeokuai avei chupe. Jare jae oñono jo pe opaete imbaembae iyangarekoarä, omee chupe mbaepuere opaete imbaembae re.

PROVERBIOS 27:18

Iɨvarupa re oyangareko vae, jouta iagüe; jare iya imbaembae re oyangareko kavi vae, oyereroviaukata iya pe.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Lucas 16:10

Mbae michi vae re jupi vae, mbae tuicha vae re jupi vi. Jaeramiño vi mbae michi vae re jupimbae vae, mbae tuicha vae re mbaetɨta vi jupi.

San Lucas 19:16

Metei jembiokuai jei chupe: ‘Cheya, ndekorepoti omongana payandepo reare oro pegua.’

San Lucas 19:18

Jayave ou ïru jembiokuai, jei chupe: ‘Cheya, ndekorepoti omongana pandepo reare oro pegua.’

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

Romanos 2:29

Ërei judío añetete vae, ipɨa pe etei oï vae jeko pegua ko. Jaeramiño vi metei oyembocircuncidauka vae, ipɨa pe etei ko oyembocircuncida, Espíritu rupi, mbaetɨ oyekuatía oï vae jeko peguaño. Kuae nunga, Tumpa omboeteuka, yepe tëi ïru vae reta mbaetɨ omboete.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.