San Lucas 18:7 - Biblia Guarani Tumpa Iñee

⁷ Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

Nuevo Testamento Guaraní Pe

⁷ Erei Tumpa jupi co. Jae rambue oepɨta co oiparavo vae ara rupi jare pɨtu rupi oyerure chupe vae reta, yepe tei güɨramoi ngaraa oepɨ raivi —jei—.

San Lucas 18:7 Iomraidhean Croise

SALMOS 88:1

CheYa Tumpa, chereroasayepe vae, ara rupi jare pɨ̈tu rupi ayerure ndeve.

SALMOS 9:8

Jae oporojäata ɨvɨ re jupi rupi, jare tëta reta re isɨmbi rupi.

ÉXODO 22:23

echa peiporarauka chupe reta yave, jare ipɨatɨtɨ reve oyerure reta cheve yave, che aenduta chupe reta jókuae iyerure,

ISAÍAS 40:27

¿Israel, Jacob iñemuña reta maera pa rere: “CheYa mbaetɨ oikuaa kërai ko aiko vae, jare cheTumpa mbaetɨ imaendúa cheré”?

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 7:11

Yepe tëi pe reta ipɨapochɨ vae reta, ërei pemee mbae ikavi vae pemichia reta pe. Vɨtei pa peRu ara pe oï vae, omeeta ko mbaembae ikavi vae oyerure chupe jese vae reta pe.

San Lucas 11:13

Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure chupe jese vae reta pe.

San Lucas 2:37

Jare ochenta y cuatro año rupi ma opɨta imemano. Mbaetɨ osɨrɨ tupao güi oyeokuai avei Tumpa pe, oyekuaku tembíu güi jare oyerure Tumpa pe ara rupi jare pɨ̈tu rupi.

San Lucas 21:28

Jare opaete kuae mbaembae omboɨpɨ oasa yave, peñemoäta ngatu. Echa köi yae ma Tumpa pereepɨ vaerä.”

Romanos 8:33

¿Kia pa ipuereta omboeko Tumpa jembiparavo reta? Tumpa ko jae oporombojupi vae.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

1 Tesalonicenses 3:10

Jare täta royerure ara rupi jare pɨ̈tu rupi, orepuere vaerä rojo poecha jare romombeu peve oataño peporogüɨrovia pe vae.

2 Tesalonicenses 1:6

Echa jupi ko Tumpa oiporarauka vaerä jókuae oiporarauka peve vae reta pe,

1 Timoteo 5:5

Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.

2 Timoteo 1:3

Amee yasoropai Tumpa pe, chupe ayeokuai cheyemongeta ikavi reve cheñemuñagüe reta rami, jare chemaendúa avei nderé cheyerure reta rupi ara rupi jare pɨ̈tu rupi.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”

Apocalipsis 7:15

‘Jáeramo ñogüɨnoi Tumpa iguapɨa jóvai, jare oyeokuai reta Tumpa pe ara rupi jare pɨ̈tu rupi tupao pe. Mburuvicha iguapɨa pe oguapɨ vae oyangareko aveita jese reta.