San Lucas 17:3 - Biblia Guarani Tumpa Iñee

³ Peyeandu. Nerëtara iyoa yave ndekotɨ, emboeta chupe. Jare jae oyembopɨambuae yave jeko re, neɨ̈ro chupe.

Nuevo Testamento Guaraní Pe

³ Peñeandu. Nderɨvɨ oyapo yave icavi mbae vae ndeve, neñeengueta chupe. Jare jae ipɨatɨtɨ yave jese, neɨro chupe —jei—.

San Lucas 17:3 Iomraidhean Croise

SALMOS 141:5

Jaekavi ko, jupi vae oiporarauka cheve yave, omboeta cheve vae, asaite oñemokäti kavi vae ramita ko cheve, jókuae ngaraa aröɨro, ërei jókuae ikavimbae oyapo vae reta kotɨ tayerure maratu vaerä.

ÉXODO 34:12

Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

PROVERBIOS 17:10

Yemboeta, ikavi yae yarakuaa katu vae pe, yarakuaambae re cien chikote oyeporu vae güi.

PROVERBIOS 27:5

Yemboeta oyoova pe etei vae ikaviño ko, mboroaɨu yandepɨa peño vae güi.

PROVERBIOS 9:8

Agüɨye emboeta oporoyóyai yóyai vae pe, agüɨye vaerä nemotareɨ; emboarakuaa iyarakuaa katu vae, jare jae nderaɨuta.

LEVÍTICO 19:17

Agüɨye pepɨa pe pemotareɨ perëtara. Pemboeta perapicha pe, agüɨye vaerä peyemboeko jae ndive iyoa pe.

San Mateo 18:21

Jayave Pedro ou jei Jesús pe: —CheYa, cherëtara iyoa yave chekotɨ, ¿mbovɨ ye pa cheɨ̈rota chupe? ¿Chiu ye pa?

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

DEUTERONOMIO 4:15

Jókuae ara yandeYa imiari pe ndive ɨvɨtɨ Horeb pe tata mbɨte güi yave, mbaetɨ etei mbae iä peecha, peroyeandu perekove,

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Santiago 5:19

Cherɨvɨ reta, oime yave pegüi reta kia opia añete vae güi, jare ïru vae omborɨ yave oyerova ye,

2 Juan 1:8

Peyeandu, agüɨye vaerä pemokañɨ peparavɨkɨ reta jekovia, jaeño pemboresive vaerä opaete pembaerä vae.