San Lucas 17:24 - Biblia Guarani Tumpa Iñee

²⁴ Echa ama overa vae oyekuaa opaete rupi. Jökoraita vi che Kuimbaerä ayeapo vae cheara oväe yave.

Nuevo Testamento Guaraní Pe

²⁴ Tamojaanga amavera. Amavera oyecuaa opaete ara re. Jae ramiño vi che cuimbaera ayeapo vae ayecuaata opaete vae pe ayu ye yave —jei—.

San Lucas 17:24 Iomraidhean Croise

EZEQUIEL 1:14

Jare jókuae mbae reta, ojo jare ou ye jarembae mbae pegua ama-vera rami.

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

San Mateo 24:27

Echa ama overa vae oyekuaa opaete rupi. Jökoraita vi che Kuimbaerä ayeapo vae ayekuaa ayu ye yave.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Mateo 5:15

Jökoraiño vi mechero yamboendɨ yave, ngaraa ñañono yapepo oyembovapɨ vae igüɨ pe, ñañono ko mechero jenda re, opaete o pe ñogüɨnoi vae reta pe omoembipe vaerä.

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

2 Tesalonicenses 2:2

agüɨye peyembotavɨuka jare peyembojopauka, oecha rami oyeapo vae reta pe, ani ñee rupi, ani tupapire ore romondogüe rami vae rupi, jei reta yandeYa iara oyearo ma.

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Santiago 5:8

Jökoraiño vi pe reta pepɨaguasu. Jekuaeño peñemoäta ngatu. Echa oyearo ma yandeYa ou ye vaerä.

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.