San Lucas 16:13 - Biblia Guarani Tumpa Iñee

¹³ Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Mbaetɨ pepuere peyeokuai Tumpa pe mbaeyekou peaɨu reve.

Nuevo Testamento Guaraní Pe

¹³ Metei tembiócuai oipota yave oyeócuai mócoi iya pe, omotareɨta metei iya jare oaɨuta iru iya, ani oparavɨquɨ cavita metei iya pe jare güɨroɨrota iru iya. Mbaeti pepuere peyeócuai Tumpa pe corepoti peaɨu reve —jei.

San Lucas 16:13 Iomraidhean Croise

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

San Lucas 11:23

Kia mbaetɨ oñemoïru che ndive vae, oyovaicho ko che ndive. Jökoraiño vi, mbaetɨ chemborɨ vae, oyapo ko ikavimbae chekotɨ.

San Lucas 14:26

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

San Lucas 16:12

Jare kia imbaembae re mbaetɨ peyangareko kavi yave, ngaraa vi oñemee peve pembaerä vae.

San Lucas 16:9

Che jae peve peiporu vaerä pembaembae kuae ɨvɨ pegua peyapo vaerä vɨa-ïru retarä. Echa oata ma pembaembae yave, jae reta pemboresiveta tëta opambae vae pe.

San Lucas 9:50

Jesús jei chupe: —Agüɨye peyopia. Echa mbaetɨ oyovaicho yande ndive vae yandemborɨ ko.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.