San Lucas 15:25 - Biblia Guarani Tumpa Iñee

²⁵ Jare taɨ tenondegua vae oparavɨkɨ oï ko pe. Jare ou ye ma köiño jëta güi yave, oendu oyemimbɨ jare opɨrae ñogüɨnoi o pe vae.

Nuevo Testamento Guaraní Pe

²⁵ Jare taɨ tenondegua vae oparavɨquɨ oi co pe. Jare ou ye ovae yave coiño o güi, oendu oñemimbɨ ñogüɨnoi o pe —jei—.

San Lucas 15:25 Iomraidhean Croise

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

SALMOS 126:1

YandeYa güeru ye yave tembipɨɨ güi Sión, ¡ropaɨuecha rami ko!

SALMOS 149:3

Pemboete jee peropo reve, petairari chupeguarä angúa raɨ jare arpa ipu rupi.

SALMOS 150:4

¡Pemboete, peropo reve angúa raɨ ipu rupi! ¡Pemboete, miori ipu rupi jare mimbɨ reta ndive!

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

ÉXODO 15:20

Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,

ECLESIASTÉS 3:4

Oime ara, yayaeo vaerä, oime vi ara, yapuka vaerä. Oime ara, ñaporoäpiro vaerä, oime vi ara, yapɨrae vaerä.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

San Lucas 15:24

Echa kuae cheraɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ Jare omboɨpɨ reta omboarete.

San Lucas 15:26

Jayave oenɨi metei tu jembiokuai jare oparandu chupe mbae ra ko jókuae oendu vae.

San Lucas 7:32

Jae reta ko oka guasu pe michia reta oguapɨ ñogüɨnoi vae reta rami. Jare osapúkai reta oyoupe körai: Royemimbɨ ma peve, ërei pe reta pepɨraeä. Rotairari mbɨatɨtɨ pegua, ërei pe reta peyaeoä.