San Lucas 14:13 - Biblia Guarani Tumpa Iñee

¹³ Ërei reipota yave reporomongaru, eparea paravete vae reta pe, ipo jovaichombae reta pe, iköcho vae reta pe jare jesambae vae reta pe.

Nuevo Testamento Guaraní Pe

¹³ Erei reipota yave reporomongaru, eparea paravete vae reta jare iporovaicho mbae vae reta jare icocho vae reta jare jesa mbae vae reta pe —jei—.

San Lucas 14:13 Iomraidhean Croise

2 SAMUEL 6:19

Jare omee opaete vae Israel iñemuña reta pe, kuimbae ani kuña pe yepe metei mbɨyape, soo peraso jare metei ipe uva oñemotinigüe. Javoi opa ye yogüɨraja opaete vae jo ñavo kotɨ.

2 CRÓNICAS 30:24

Echa Ezequías mburuvicha guasu Judá pegua omee opaete yatɨ vae pe mil toro jare siete mil vecha; jare mburuvicha reta omee vi opaete vae pe mil toro jare diez mil vecha; jare sacerdote reta jeta ma vi oñeñono tee Tumpa pe.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

NEHEMÍAS 8:12

Jayave opaete vae reta yogüɨraja okaru jare oɨu, oyombopota reta tembíu pe, ovɨa katu jare oyerovia yae reta, echa oikuaa kavi ñee reta omboe reta jese vae.

JOB 29:13

Osusere oï vae omee iporerekua cheve; jare cheporomborɨ omboyerovia imemano vae reta.

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

PROVERBIOS 22:9

Japicha oiparareko vae, oikota mborerekua rupi, paravete vae pe omboyao jembíu jeko pegua.

ISAÍAS 58:10

remee nderembíu oata chupe vae pe yave, remborɨ yave ipɨatɨtɨ vae, jembipeta reyekuaa pɨtumimbía pe, kuaraɨ ara mbɨte pe oï rami reyekuaata.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

San Mateo 15:30

Jare jeta vae yogüeru jae oïa pe. Güeru reta iköcho vae reta, jesambae reta, iupa vae reta, jare ipo jovaichombae vae reta, jare jeta ïru imbaerasɨ vae reta; oñono reta Jesús jóvai, jare jae ombogüera.

San Mateo 22:10

Jayave mburuvicha guasu jembiokuai reta yogüɨraja tape rupi jare omboatɨ opaete oväe chupe vae reta; jeko kavi vae reta jare jeko kavimbae vae reta. Jare jökorai mburuvicha guasu jo tɨnɨe vae.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

San Lucas 14:12

Jayave Jesús jei oparea vae pe: —Reipota yave reporomongaru, agüɨye eparea ndevɨa-ïru reta pe ani nderɨkeɨ ani nderɨvɨ reta pe, ani nerëtara reta pe, ani nerëta-ɨpɨ pegua oikokatu vae reta pe. Echa jae reta ipuere vi oparea ndeve, jökorai yave jekovia ma ko ndeve.

San Lucas 14:14

Jökorai yave, reyerovia katuta. Echa jae reta ngaraa ipuere omboekovia ndeve. Ërei jekoviata ndeve jupi vae reta oikove ye yave.

San Lucas 14:21

Jayave tembiokuai ou ye iya pe jare omombeu chupe opaete kuae regua. Jayave iya iyarasɨ reve jei jembiokuai pe: “Ekua jarembae voi opaete oka guasu jare kaye rupi, jare eru kuae pe paravete vae reta, ipo jovaichombae reta, iköcho vae reta jare jesambae vae reta.”

Hechos 9:39

Jayave Pedro opüa ojo jae reta ndive. Jare ou oväe yave, ïru vae reta güɨraja o ɨvategua pe. Joko pe opaete imemano vae reta yatɨ oyaeo ñogüɨnoi, jare oechauka Pedro pe temimonde Dorcas jae reta ndive oiko yave oyapo vae.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:14

Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

1 Timoteo 3:2

Ërei ikavi ko oporogüɨrovia vae reta itenondegua re agüɨye oñeväe teko, meteiño tijembireko, agüɨyeta jei jeiiño, toyeandu katu, toyapo ikavi vae, tomboresive katu mboupa, toikatu toporomboe;

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

Tito 1:8

tomboresive katu mboupa, ikavi vaeño toaɨu, agüɨyeta jei jeiiño, tijupi, toñeñono tee, jete jemimbota toyopia vae,

Filemón 1:7

Royerovia yae jare orepɨakatu ndeporoaɨu re, echa nde cherɨvɨ rembopɨakatu oporogüɨrovia vae reta.

Hebreos 13:2

Pemboresive kavi avei mboupa, echa jökorai amogüe reta omboresive araɨgua jo pe oikuaambae reve.