San Lucas 13:19 - Biblia Guarani Tumpa Iñee

¹⁹ Yambojaanga metei mostaza jäɨgüe, metei kuimbae güɨraja oñotɨ iko pe vae re. Okuakuaa jare oyeapo ɨvɨra tuichagüe. Jare güɨra reta yogüeru oyapo jaitɨrä jese.”

Nuevo Testamento Guaraní Pe

¹⁹ Ñandepuere ñamojaanga jese metei mostaza jaɨgüe —jei—. Oñeotɨ yave, ocuacuaa jare oyeapo ɨvɨra tuicha vae. Jare güɨra reta yogüeru oyapo jaitɨra jese —jei.

San Lucas 13:19 Iomraidhean Croise

CANTARES 4:12

Nde, chereindɨ, chemenda ïrurä vae, mbaepotɨ oñekëse kavi vae rami ko nde, ɨesaɨ oñekëse kavi vae, ɨesaɨ oyeokenda kavi vae,

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

CANTARES 6:2

Aaɨu vae ojo iko raɨ pe, temitɨ ikäti kavi jenda pe. Güɨraja omongaru jɨmba, jare oyasɨa vaerä tüpa-ɨpɨ ipotɨ reta.

CANTARES 8:13

¡Nde, ko raɨ peño reiko vae, emaeño taendu neñee! ¡Cheïru reta oipota ndereendu, eenduka chupe reta neñee!

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

EZEQUIEL 31:6

Oipotagüe güɨra reta oyapo jaitɨrä jäka reta re. Oipotagüe mɨmba reta ñana rupigua oa imembɨ iküaraɨa igüɨ rupi. Iküaraɨa igüɨ pe yogüɨreko jeta tëtaguasu reta.

DANIEL 4:12

Jäka ipöra yae jare ia jeta yae, güɨnoi tembíu opaete vae peguarä. Iküaraɨa igüɨ pe ñogüɨnoi mɨmba reta ñana rupigua, jäka reta rupi oyemboaitɨ güɨra reta, jare chugüi oikove opaete vae reta.

DANIEL 4:21

jäkagüe ipöra yae vae, jare ia jeta yae vae, güɨnoi tembíu opaete vae peguarä, igüɨ pe yogüɨreko mɨmba reta ñana rupigua, jare jäka re oyemboaitɨ güɨra reta,

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

San Mateo 17:20

Jare Jesús chupe reta: —Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko. Jare ngaraa mbae yavai peve.

San Marcos 4:30

Jare Jesús jei ye: “¿Mbae ra yambojaangata Tumpa iporookuaía re? ¿Mbae re ra yambojaangata?

San Lucas 17:6

Jayave yandeYa jei: —Peporogüɨrovia michi yae metei mostaza jäɨgüe michi yae rami yave mona, pepuereta pere kuae ɨvɨra sicómoro jee vae pe: Esɨrɨ kuae güi ekua ɨguasu pe, jare ɨvɨra oyapota pere vae.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 4:4

Ërei jeta oporogüɨrovia Tumpa iñee oendu vae reta; oupitɨ cinco mil rupi kuimbae oporogüɨrovia vae reta.

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”