San Lucas 12:5 - Biblia Guarani Tumpa Iñee

⁵ Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

Nuevo Testamento Guaraní Pe

⁵ Erei tamombeu peve quia icavi co pequɨye vaera chugüi vae. Pequɨye Tumpa güi. Echa jae güɨnoi mbaepuere oporoyuca vaera jare oporomondo vaera cañɨtei pe. Añete che jae peve, pequɨye chugüi —jei—.

San Lucas 12:5 Iomraidhean Croise

SALMOS 9:17

Jeko pɨ̈chɨi vae reta, opaete vae iñakañɨ Tumpa güi vae, oyererajaukata omanogüe reta ñogüɨnoia pe.

PROVERBIOS 14:26

YandeYa güi oipoɨu vae, mɨ̈rata ko, jae ko taɨ reta iñepɨ̈roa.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Marcos 13:23

Ërei pe reta peyeandu. Amombeu voi ma peve opaete, ndei oyeapo mbove.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

Hebreos 10:31

¡Yavaete yae ko yaa yave Tumpa oiko tee vae ipo pe!

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.