San Lucas 12:4 - Biblia Guarani Tumpa Iñee

⁴ Jare che jae peve, chevɨa-ïru reta, agüɨye pekɨɨye pereteño ipuere oyuka vae reta güi. Echa jaɨkue rupi, ngaraa ye ma mbae ipuere oyapo peve.

Nuevo Testamento Guaraní Pe

⁴ Jare che jae peve, cherɨvɨ reta, agüɨye pequɨye oporoyuca vae reta güi. Echa oporoyuca güire, mbaeti ye mbae icavi mbae vae ipuere oyapo peve —jei—.

San Lucas 12:4 Iomraidhean Croise

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

CANTARES 5:16

Iyuru, jëeasɨ yae ko. ¡Ipotaa yae ko! ¡Jökorai ko aaɨu vae, jökorai ko chembae, kuñatai reta Jerusalén pegua!

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

EZEQUIEL 2:6

Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Juan 15:13

Mboroaɨu tuichagüe güɨnoi vae ko omee jekove ivɨa-ïru reta re.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Filipenses 1:28

jare agüɨye pekɨɨye oyovaicho pekotɨ vae reta güi. Echa kuae oechauka jae reta ko kañɨtei peguarä, ërei peve ko yemboasa peguarä; kuae ko ou Tumpa güi.

Santiago 2:23

Jare oyembopo Tumpa Iñee pe jei vae: “Abraham güɨrovia Tumpa, jókuae iporogüɨrovia rupi omae jese jupi. Jare Tumpa ombojee Abraham, jae ko ivɨa-ïru.”

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.