San Lucas 12:19 - Biblia Guarani Tumpa Iñee

¹⁹ Jayave che jaeta cheyeupe: ‘Jeta yae mbae renoi, oupitɨta ɨma año pegua. Eputuu, ekaru, ekau jare eyerovia.’

Nuevo Testamento Guaraní Pe

¹⁹ Jayave che jaeta cherecove pe corai: Cherecove, jeta yae ma mbaarɨvo reñovatu. Oupitɨta jeta año pegua. Eputuu, ecaru, ecau, jare eyerovia. Corai jaeta —jei, jei—.

San Lucas 12:19 Iomraidhean Croise

JOB 14:1

Kuña imembɨ, mbaetɨ ɨma oiko, jare oiporara yae.

SALMOS 49:18

Yepe tëi oikove oiko ramboeve, oyerovia katu, jare imbaeyekou jeko pegua omboete yae vae.

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

PROVERBIOS 10:2

Ikavimbae rupi oyemboikokatu vae, ngaraa oyekou kavi, ërei jupi rupi oiko vae, oyereroasayepeta ko mano güi.

PROVERBIOS 14:24

Yarakuaa vae reta iyemboetea, jae ko imbaeyekou; ërei yarakuaambae reta pe, arakuaambae.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

PROVERBIOS 23:5

¿Reipotata pa remae mbaeyekou re, mbaeä etei vae re? Echa ipepo ramita ko, ɨmambae opata oveve, güɨraké oveve rami.

PROVERBIOS 27:1

Agüɨye eyemboete pɨareve peguarä vae re, echa mbaetɨ reikuaa, mbae ra pɨareve pe oasata vae.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 5:11

¡Peparavete!, pe reta ndeimboveasɨ güive pepüa ye peyembosavaɨpo vaerä vae, jare pepɨare katúi jökorai.

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

ISAÍAS 56:12

Jei reta: “Yaja yaeka vino jare mbae oporombosavaɨpo vae, yandembosavaɨpo vaerä. Javoi pɨareve yayapo ye añave rami, ani oasa ete ye ikavi yayapo.”

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’

AMÓS 6:13

Pe reta peyeroviaiño ma ko, pere yave: ¡Yandembaepuere rupi ko ñanoi kuae! Mbaeä etei ko.

HABACUC 1:16

Jáeramo yeporaka regua omboete yae ipɨsa jare ipinda, omee mɨmba oyeyuka vae jare oapɨ ikäti kavi vae incienso omboete jeko pegua; echa jókuae rupi güɨnoi jou vaerä tembíu ikavigüe ikɨra kavi vae.

San Lucas 12:18

Jare jei: ‘¡Aikuaa ma! Tamboai cheavatío reta jare tamopüa pɨau ye tuicha vae, jare joko pe tañovatu opaete chembaagüɨye reta jare opaete chembaembae.’

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

1 Corintios 15:32

Che añeraro mɨmba pochɨ vae reta ndive Efeso pe. Ërei ¿mbae pe ra ikavi cheve? Omanogüe reta mbaetɨ ko oikove ye yave, yandepuere yae: “Yakaru jare yakau, echa pɨareve ñamanota.”

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

1 Timoteo 5:6

Ërei imemano vae oeka jete omboyerovia vaeräño vae, omano rami ko oiko.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

2 Timoteo 3:4

ombotavɨ japicha reta, oyapota mbaembae ipɨa pe oyemongetambae reve vae, ipɨaño omboete vae reta, ipɨa jemimbotaño oaɨu reta Tumpa güi vae,

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.

1 SAMUEL 30:16

Jare güɨraja jókuae imonda vae reta ñogüɨnoia pe; jare jae reta opa etei oñemoai moai ñogüɨnoi jókuae ñuu pe, okaru reta, okau reta, oyapo reta arete opaete jókuae filisteo reta güi jare Judá pegua reta güi oñomigüe re.