San Lucas 11:51 - Biblia Guarani Tumpa Iñee

⁵¹ Abel oyeyukauka güive Zacarías oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.

Nuevo Testamento Guaraní Pe

⁵¹ Tenonde voi Abel oyeyucauca, jare taɨcue rupi Zacarías oyeyucauca. Echa Zacarías omano maemɨmba oyeyucagüe oñererocuaveea jare Tumpa jo ipau pe. Añete che jae peve, cuae reta jare opaete iru vae reta imano re pe reta añave peico vae peñemboecota —jei—.

San Lucas 11:51 Iomraidhean Croise

GÉNESIS 4:2

Jaɨkue rupi imembɨ ye Eva, jae kó Abel. Abel kó jae vecha omoñemuña vae, jare Caín ko jae kó rupi oparavɨkɨ vae.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

ZACARÍAS 1:1

Darío mokoía año ma oiko mburuvicha guasurä yave, juría yasɨ pe ou yandeYa iñee ñeemombeúa Zacarías pe, Berequías taɨ, Iddo jɨmɨmino pe, jei körai:

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.

Hebreos 11:4

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.