San Lucas 11:42 - Biblia Guarani Tumpa Iñee

⁴² “¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

Nuevo Testamento Guaraní Pe

⁴² Pe reta co jae fariseo reta. Peiporarata co. Echa pemee Tumpa pe diezmo caavo reta penoi vae güi. Erei mbaeti peyapo jupi co peyapo vaera vae, jare mbaeti peaɨu Tumpa. Icavi co pemee vaera Tumpa pe jocuae nunga diezmo. Erei peyapota tei jupi co peyapo vaera vae, jare peaɨuta tei Tumpa —jei—.

San Lucas 11:42 Iomraidhean Croise

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

ECLESIASTÉS 7:18

Kuaekuae eyapo, jókuae ïru reta reeyambae reve. Echa Tumpa güi oipoɨu vae, oë kavita chupe opaete mbaembae.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 2:17

Pembogüérai ma yandeYa peñee pe. Ërei pere: “¿Mbae nunga ñee pe pa rombogüérai?” Echa pere: “Kia nunga vae oyapo ikavimbae yave ombopɨakatuño yandeYa.” Ani pere yave: “¿Ketɨ pa opɨta yandeYa jupi yae vae?”

MALAQUÍAS 3:8

¿Kuimbae ipuere pa mbae oñomi Tumpa güi? ¡Echa pe reta pemaeñomi ko chegüi! Ërei pere: “¿Mbae pa roñomi ndegüi?” ¡Peñomi ko mbota reta jare pediezmo reta!

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Mateo 23:27

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta ko jae tɨvɨa oñemotï kavi vae reta ramiño. Echa tɨvɨa ipöra kavi oyekuaa ikatu rupi, ërei japɨpe pe tɨnɨe omanogüe ikägüegüe jare ikɨa.

San Lucas 18:12

Che ayekuaku tembíu güi mókoi vese semana pe, jare amee ndeve diezmo opaete amongana vae güi.’

San Juan 5:42

Echa aikuaa pe reta mbaetɨ ko penoi Tumpa iporoaɨu pepɨa pe.

1 Juan 4:20

Oime yave kia “che aaɨu Tumpa” jei vae, ërei omotareɨ yave iñeïru oporogüɨrovia vae, iyapu yae ko. Echa iñeïru oporogüɨrovia vae oecha etei vae mbaetɨ oaɨu yave, ¿këraita pa oaɨu Tumpa oechambae vae?

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.