San Lucas 10:2 - Biblia Guarani Tumpa Iñee

² Jei chupe reta: “Jeta yae ko oyearɨvo vaerä. Ërei mbovɨ yae ko oparavɨkɨ vae reta. Jáeramo pe reta pemoñera yandeYa, omondo vaerä oparavɨkɨ vae reta ombaarɨvo vaerä.

Nuevo Testamento Guaraní Pe

² Jare jei chupe reta: —Jeta yae co yaarɨvo vaera. Erei mbovɨ yae co ombaarɨvo vae reta. Jae rambue pe reta peyerure ñandeYa pe omondo vaera oparavɨquɨ vae reta ombaarɨvo reta vaera —jei—.

San Lucas 10:2 Iomraidhean Croise

1 REYES 18:22

Jare Elías jei opaete vae reta pe: —Jaeño che yandeYa iñeemombeúa apɨta; ërei Baal regua omoërakua vae reta oime ñogüɨnoi cuatrociento cincuenta kuimbae.

SALMOS 68:11

YandeYa omee ñee; jeta kuña omoërakua körai:

JEREMÍAS 3:15

Ameeta peangarekoa retarä chepɨa potaa, jare jae reta peangarekota yarakuaa katu kavi reve.

ZACARÍAS 11:17

¡Paravete maangarekoa iyakɨ vae, oeya mɨmba vae! ¡Kɨsepuku toekɨ iyɨva jare jesa iyakatu kotɨgua! ¡Totini iyɨva jare topɨta jesambae!”

ZACARÍAS 11:5

ogua vae reta oyuka oyemboekombae reve; jare omee vae reta jei: ‘¡Yasoropai cheYa, echa aikokatu ma!’ Iyangarekoa reta ave mbaetɨ mboroparareko güɨnoi jese.

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

San Mateo 20:1

“Echa araɨgua mborookuaía metei ko iya ndeimboveasɨ oë oeka oparavɨkɨ vae reta, iuvarupa pe omombaravɨkɨ vaerä vae rami ko.

San Marcos 13:34

Yambojaanga metei kuimbae ojo mombɨrɨ vae oeya jo vae re. Ojota ma yave, oeya jembiokuai reta ipo pe iparavɨkɨ ae ae oyapo reta vaerä; jare oyókuai vi öke järoa oäro avei vaerä.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

San Lucas 9:1

Jesús opa omboatɨ jókuae doce jemimboe reta, jare omee chupe reta mbaepuere ombosɨrɨ vaerä aña reta oya jese vae reta güi jare ombogüera vaerä imbaerasɨ vae reta.

Hechos 11:19

Esteban oyuka güire, tovaicho reta oiporarauka oporogüɨrovia vae reta pe. Jare oporogüɨrovia vae reta opa oñemoai vae yogüɨraja oväe ɨvɨ Fenicia, Chipre jare Antioquía pe. Jare jae reta imiari judío reta peño Tumpa iñee.

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 13:4

Jayave Saulo jare Bernabé oyemondouka Espíritu Santo pe, jare yogüɨraja tëta guasu Seleucia pe, jare joko güi yogüɨraja ɨguasu rupi ɨvɨ Chipre pe.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 22:21

Jayave jae jei cheve: ‘Ekua. Echa che romondota mombɨrɨ judiombae vae reta kotɨ.’ ”

Hechos 8:4

Ërei jókuae oporogüɨrovia vae reta opa oñemoai moai vae omoërakua ñee ikavi vae yogüɨrajaa rupi.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

Filipenses 2:25

Ërei jaekavi cheve amondo vaerä cherɨvɨ Epafrodito. Jae ko oparavɨkɨ Tumpa pe che ndive vae, pe pembou oyangareko vaerä cheré vae.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

Colosenses 1:29

Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

1 Tesalonicenses 5:12

Cherɨvɨ reta, pomoñera pemboete vaerä yandeYa pe oyeokuai pepɨte pe vae reta, petenondegua reta jare pemboarakuaa vae reta.

2 Tesalonicenses 3:1

Jare añave cherɨvɨ reta, peyerure oreré, yandeYa iñee oñemoai vaerä jare oyemboete vaerä, pepɨte rupi oasa rami.

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

Filemón 1:1

Che Pablo, Jesucristo jembipɨɨ jare yanderɨvɨ Timoteo, roikuatía kuae tupapire ndeve, oreparavɨkɨ ïru roaɨu vae Filemón,

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei: