San Lucas 10:16 - Biblia Guarani Tumpa Iñee

¹⁶ Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

Nuevo Testamento Guaraní Pe

¹⁶ Oyeapɨsaca peré vae oyeapɨsaca co cheré. Erei pereroɨro vae chereroɨro co. Jare chereroɨro vae güɨroɨro chembou vae —jei.

San Lucas 10:16 Iomraidhean Croise

ÉXODO 16:7

jare ndeimbove yave peechata yandeYa iyemboetea; echa jae oendu peñeenguru ikotɨ vae. ¿Kia pa ore peñeenguru vaerä orekotɨ?

ÉXODO 16:8

Jei ye vi Moisés: —YandeYa omeeta kaaru yave peve soo peu vaerä, jare ndeimbove yave mbɨyape perɨ̈vɨata regua; echa yandeYa oendu peñeenguru ikotɨ vae; echa ore, ¿kia pa ko? Orekotɨä ko peñeenguru, yandeYa kotɨ etei ko.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

NÚMEROS 14:2

Jare opaete Israel iñemuña reta iñeenguru Moisés jare Aarón kotɨ; jare jei reta: “¡Maera ra ñamano voiä ɨvɨ Egipto pe ani kuae ñuu pe!

NÚMEROS 16:11

Jáeramo nde jare opaete nderupiegua, yandeYa kotɨ oñemopüa vae reta ko; Aarón, ¿mbae pa jeko, peñeenguru vaerä ikotɨ?

San Mateo 10:40

Kia pemboresive kavi yave, che etei ko chemboresive. Jare chemboresive kavi vae, omboresive ko chembou vae.

San Mateo 18:5

Jare kia omboresive yave kuae nunga michia cheree re vae, che ko chemboresive.

San Marcos 9:37

—Jare kia omboresive yave kuae nunga michia cheree re vae, che ko chemboresive. Jare jókuae chemboresive vae, omboresive ko chembou vae.

San Lucas 9:48

Jayave jei jemimboe reta pe: —Kia omboresive yave kuae nunga michia cheree re vae, che ko chemboresive. Jare jókuae chemboresive vae, omboresive ko chembou vae. Echa pepɨte pe oñemomichi vae ko oikota tenondeguarä.

San Juan 12:44

Jayave Jesús iñeeäta reve jei: “Cheré güɨrovia vae, mbaetɨ ko chereño güɨrovia. Güɨrovia ko chembou vae re.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

San Juan 13:20

Añetete che jae peve, che amondo vae omboresive vae, che ko chemboresive. Jare che chemboresive kavi vae, omboresive ko chembou vae.

Hechos 5:4

Ndembae ko jókuae ɨvɨ, jare remee ma yave, jepɨgüe ndembae vi ko. ¿Maera pa reyemongeta reyapo vaerä ikavimbae vae? Mbaetɨ ko ndeapu kuimbae reta peño. Ndeapu ko Tumpa pe etei.

Gálatas 4:14

Jare mbaetɨ chereröɨro jare chemotareɨ chembaerasɨ tëi reve, ërei chemboresive kavi, metei Tumpa iaraɨgua rami, Cristo Jesús etei rami.

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.