San Lucas 10:15 - Biblia Guarani Tumpa Iñee

¹⁵ Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe.

Nuevo Testamento Guaraní Pe

¹⁵ Jare Capernaum pegua reta oñemongueta tei icavi co yogüɨreco vaera Tumpa ndive. Erei Tumpa omondo retata yogüɨreco vaera cañɨtei pe —jei—.

San Lucas 10:15 Iomraidhean Croise

GÉNESIS 11:4

Jayave jei reta: “Yayapo metei tëta guasu jare ñamopüa metei o ɨvate yeyé vae, ojo ara re oya vae; ñanerërakua vaerä güɨramoi opa yave ñañemoai moai ɨvɨ iárambo.”

ISAÍAS 5:14

Jáeramo, omanogüe reta ñogüɨnoia oyembopɨguasuta, iyuru tuicha opopirata mbaeporou rami, omókoi vaerä tëta chembae vae jare juvicha reta, jókuae kuimbae reta kau rupi yogüɨreko vae jare iyapirai pɨpe vae reta.

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

EZEQUIEL 26:20

Ndererajata ɨ́vɨkotɨ arakae ma omanogüe vae reta ipɨte pe, ndererajata ɨvɨkotɨasɨ arakae ma oyemboai vae reta ipɨte pe, jare reikota omanogüe vae reta yogüɨrekoa pe, agüɨye ye vaerä ma reñemopüa ye ani oime ndeipo reta.

EZEQUIEL 31:18

Metei ave ɨvɨra reta Edén pegua mbaetɨ ipuere oyemboyovake jae ndive, ipöra vae pe jare ɨvate vae pe; ërei ngatu ɨvɨra reta Edén pegua ndive oyeitɨukata ɨvɨgüɨ pe, Tumpa re güɨroviambae reta jare ñeraro pe omanogüe vae reta pɨri. ‘Jókuae ɨvɨra jae ko Faraón jare opaete jëtaɨgua reta. Che peYa Tumpa jae kuae.’ ”

EZEQUIEL 32:18

“Nde kuimbae, etairari tairari mano pegua pe, jeta vae reta Egipto pegua re; jare emondo jae jare tëtaguasu imbaepuere yae vae pegua reta ɨvɨgüɨ kotɨ, omanogüe reta ñogüɨnoia pe.

EZEQUIEL 32:20

Ñeraro pe omano vae reta ipɨte pe omanota; kɨsepuku pe omanota. Opaete pɨpegua reta ojota jae ndive.

EZEQUIEL 32:27

Mbaetɨ oñeotɨ reta, Tumpa re güɨroviambae reta jëia yae ñeraro pe vae reta oñeotɨa pe, jae reta yogüɨraja omanogüe reta ñogüɨnoia pe jembiporu ñeraro pegua ndive, güɨnoi reve ikɨsepuku iñäka igüɨ pe, jare iyeopiaka jete re, echa oporomongɨɨye reta yepi ɨvɨ pe jeko pegua.

ABDÍAS 1:4

Ërei yepe tëi peyemboɨvate yae güɨraké rami yepe tëi peñono peraitɨ yasɨtata reta re, joko güi poitɨta.” YandeYa jei:

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Mateo 4:13

Mbaetɨ ma oiko Nazaret pe, ojo tëta guasu Capernaum pe jare joko pe oiko. Capernaum ko oï ɨguasu jembeɨ pe Zabulón jare Neftalí iɨvɨ pe.

San Lucas 13:28

Jayave peyaeota jare peräi pembokɨrɨrɨuta. Peecha yave Abraham, Isaac, Jacob jare opaete ñeemombeúa reta Tumpa iporookuaía pe ñogüɨnoi. Ërei pe reta ikatu pe peïta.

San Lucas 16:23

Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.