San Lucas 1:6 - Biblia Guarani Tumpa Iñee

⁶ Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Nuevo Testamento Guaraní Pe

⁶ Zacarías jare jembireco oyapo jupi vae jare jocorai omboyerovia Tumpa. Echa jecuaeño oyapo ñandeYa iporoócuai reta. Mbaeti quia ipuere omboeco reta mbae re.

San Lucas 1:6 Iomraidhean Croise

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

GÉNESIS 7:1

Jaɨkue rupi yandeYa jei Noé pe: “Eike nde jare opaete ndero pegua reta ndive arca pe. Echa aecha ndeño jupi reguata cheróvai opaete vae reta güi.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 CRÓNICAS 17:4

ërei oeka tu iTumpaño, jare oyapo iporookuai reta, mbaetɨ oiko Israel pegua reta yogüɨreko rami.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 1:8

Jare yandeYa jei Satanás pe: —¿Reikuaa pa cherembiokuai Job, kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae?

SALMOS 119:6

Jayave ngaraa añemomaraiuka, aendu katu yave opaete ndeporookuai reta.

San Lucas 1:7

Ërei mbaetɨ imichia reta. Echa Elisabet imembɨmbae vae ko. Jare Zacarías jare Elisabet okuakuaa yae reta ma.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

Hechos 2:25

Echa David jei Jesús re körai: ‘Aecha avei cheYa cherenonde. Cheakatu pe oï ramo, ngaraa chemongúe vae.

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Hechos 24:16

Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

Romanos 8:4

kuae oyapo, mborookuai jei vae yayapo vaerä. Echa mbaetɨ ma yaiko yandesoo jemimbota reño, yaiko ma ko Espíritu Santo jei vae re.

1 Corintios 11:2

Cherɨvɨ reta, pombotuicha, echa jekuaeño pemaendúa cheré, jare peyapo che pomboe jese vae.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

1 Juan 2:29

Peikuaa Tumpa ko jae jupi vae yave, peikuaa vi kërai Tumpa omee ma tekove opambae vae opaete jupi vae oyapo vae reta pe.

1 Juan 2:3

Tumpa iporookuai reta yayapo yave, jókuae rupi ko oyekuaa yaikuaa kavi ko Tumpa vae.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.