San Lucas 1:51 - Biblia Guarani Tumpa Iñee

⁵¹ Imbaepuere rupi oyapo mbae tuichagüe. Opa omoai ipɨayemboete vae reta.

Nuevo Testamento Guaraní Pe

⁵¹ Oicuauca quirai imbaepuere tuicha yae co. Omoai oñemboete vae reta —jei—.

San Lucas 1:51 Iomraidhean Croise

GÉNESIS 11:8

Jökorai yandeYa opa omoai moai joko güi ɨvɨ iárambo rupi. Jare mbaetɨ ma ipuere opa oyapo reta jókuae tëta guasu.

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

SALMOS 118:15

Jupi vae reta jo pe, oime sapúkai oporomoamɨri pegua, jei reta: “¡YandeYa imbaepuere oyapo mbae tuichagüe!

SALMOS 33:10

YandeYa güɨrokomegua tëtaguasu reta oyemongeta tëi oyapo vaerä vae, güɨrokomegua tëta reta iyemongeta,

SALMOS 52:9

Amboeteta jekuae avei rupi, echa jae ipɨakavi, amoërakuata nderee, jupi vae reta jóvai, echa ndeporoparareko ko.

SALMOS 63:5

Cheangapɨɨ kavita, maekägüe iñaputuu re jare soo ikɨra kavi vae jou vae yangapɨɨ kavi rami, romboeteta yerovia katu reve.

SALMOS 89:10

repɨ̈ro mbaeporou ɨguasu rupigua Rahab re, omanogüe re rami; opa remoai moai nderovaicho reta ndembaepuere pe.

SALMOS 89:13

Ndeyɨva imbaepuere yae ko, ndepo akatu ipɨ̈rata jare imbaepuere yae.

SALMOS 98:1

¡Petairari yandeYa pe tairari ipɨau vae, echa oyapo jeta mɨakañɨ reta! ¡Oporomoamɨri imbaepuere tuichagüe jare ikɨambae rupi!

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ISAÍAS 40:10

Ko ou yandeYa Tumpa mbaepuere ndive, oñonota opaete vae imbaepuere igüɨ pe. Güeru jupíe tëta imbae vae reta, opa güire opɨ̈ro ye.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

JEREMÍAS 49:15

Mase, che pomomichi yaeta ïru tëtaguasu reta güi, peñereröɨrouka yaeta opaete vae reta pe.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

2 Corintios 10:5

Jökorai romboai yemongeta reta jare opaete pɨayembotuicha omboavai yaikuaa vaerä Tumpa vae. Jökorai opaete pɨayemongeta rogüɨrajata Cristo jei vae oyapo vaerä.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

Apocalipsis 18:8

Jáeramo metei ara peño oyeapota chupe jeta mbaesusere: mano, mbɨatɨtɨ jare karuai, jare opata ókai, echa imbaepuere yae ko yandeYa Tumpa ojäa vae.”