San Lucas 1:32 - Biblia Guarani Tumpa Iñee

³² Jae tuichagüe yaeta, jare jeeta ko Tumpa Tuichagüe yae vae Taɨ. Jare yandeYa Tumpa omeeta chupe iñemuñagüe David iporookuaía;

Nuevo Testamento Guaraní Pe

³² Jae güɨnoita mbaepuere tuicha yae vae, jare jeeta co Tumpa Taɨ. Jare ñandeYa Tumpa oyapota Israel pegua reta juvicha guasura itenondegua David rami —jei—.

San Lucas 1:32 Iomraidhean Croise

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

SALMOS 132:11

Añetete, yandeYa jei jee re aeño David pe, ngaraa jae oipoepɨ iñee; echa jei:

SALMOS 132:12

“Añonota ndeporookuaía pe metei neñemuña reta güi, jae reta oyapo cheporogüɨrökuavee päve jare cheporookuai amboe retata vae yave, neñemuña reta vi oguapɨta ndeporookuaía pe jekuae avei pegua.”

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

JEREMÍAS 17:25

Peyapo yave jökorai, oime aveita mburuvicha guasu oguapɨ vaerä David iguapɨa pe, jare oiketa tëta guasu jöke rupi käretou pe jare kavayu re iyɨvɨrigua reta ndive, jare Judá pegua reta jare Jerusalén pe yogüɨreko vae reta ndive. Jare Jerusalén pe oime aveita yogüɨreko vae.

JEREMÍAS 22:2

mburuvicha guasu Judá pegua jóvai, David iguapɨa pe oguapɨ oï vae jare iyɨvɨrigua reta jare opaete tëta pegua reta jóvai, ere: ‘Peyeapɨsaka yandeYa iñee re.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

San Mateo 1:1

Kuae ko jae Jesucristo iñemuñagüe reta jee. Jesucristo jae ko David iñemuña pegua. Jare Abraham iñemuña pegua.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Marcos 14:61

Ërei Jesús kïriiño. Mbaetɨ etei mbae jei. Jayave sacerdote tenondegua oparandu ye chupe jei: —¿Nde pa ko jae Cristo? ¿Nde pa ko jae Imboetea vae Taɨ?

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

San Lucas 1:15

Echa tuichagüe yaeta ko Tumpa jóvai. Jae ngaraa etei jou vino ani mbae oporombosavaɨpo vae. Jare tɨnɨeta Espíritu Santo pe ichɨ jɨe peve.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 1:76

Jare nde michia raɨ Tuichagüe yae vae iñeemombeúa, jeita ndeve vae. Echa reota yandeYa jenonde reyapo kavi vaerä japerä.

San Lucas 3:16

Jáeramo Juan jei chupe reta: “Añete che pombobautisa ɨ pe. Ërei oime ou imbaepuere yae chegüi vae. Mbaetɨ jupi che ipɨapaa iïcha ayora vaerä ave. Jae pembobautisata Espíritu Santo pe jare tata pe.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

San Juan 12:34

Jayave jae reta jei Jesús pe: —Mborookuai pe oyekuatía oï vae omombeu oreve Cristo oikoño mai ko. ¿Mbae pa rere jókuae Kuimbaerä oyeapo vae oupita retata ko vae? ¿Kia pa ko jókuae Kuimbaerä oyeapo vae?

San Juan 6:69

Rogüɨrovia ma nderé jare roikuaa nde ko jae Cristo, Tumpa oikove vae Taɨ.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

Hechos 2:30

Jare David ko ñeemombeúa ramo oikuaa Tumpa jei ko jee re ae chupe, kërai iñemuña reta güi omopüata Cristo, oguapɨ vaerä jae iguapɨa pe.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 7:48

yepe tëi Tuichagüe yae vae mbaetɨ oiko tupao oyeapogüe pe, ñeemombeúa jei rami:

Romanos 1:4

Ërei jae oyekuaa Tumpa Taɨ imbaepuere yae vae Espíritu Santo rupi. Jókuae oyekuaa, oikove ye yave omanogüe reta ipɨte güi.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: