San Lucas 1:15 - Biblia Guarani Tumpa Iñee

¹⁵ Echa tuichagüe yaeta ko Tumpa jóvai. Jae ngaraa etei jou vino ani mbae oporombosavaɨpo vae. Jare tɨnɨeta Espíritu Santo pe ichɨ jɨe peve.

Nuevo Testamento Guaraní Pe

¹⁵ Echa ñandeYa omboeteuca yaeta co. Jae ngaraa etei ocau. Jare tɨnɨeta Espíritu Santo pe ichɨ güi oa güive —jei chupe—.

San Lucas 1:15 Iomraidhean Croise

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 48:19

Ërei ngatu tu mbaetɨ oipota, jare jei: —¡Aikuaa ko cheraɨ! ¡Che aikuaa ko! Jae oikota vi ko tëta tuicha yae vaerä; ërei ngatu tɨvɨ ko tuicha yae eteta chugüi, iñemuña reta omopüata jeta tëtaguasu reta.

1 CRÓNICAS 17:8

jare aiko nde ndive kerupi reoa rupi, opa amoamɨri nderovaicho reta ndeve jare amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

1 CRÓNICAS 29:12

Ndegüi ko ou mbaeyekou jare mbaemboete. Nde ko renoi mbaepuere opaete re. Mɨ̈rata jare mbaepuere ndepo pe ko oï, jare ndepo pe vi oï reporombotuicha vaerä jare remee vaerä mbaepuere opaete vae pe.

SALMOS 22:9

Ërei nde ko remee aa vaerä chesɨ jɨe güi, nde ko cheangareko akambu güive.

JEREMÍAS 1:5

“Ndei ndesɨ jɨe pe roapo mbove che rokuaa, jare ndei rea mbove che roñono tee; roñono ñeemombeuarä tëtaguasu reta peguarä.”

JEREMÍAS 35:6

Jae reta jei: “Ore reta mbaetɨ ko rou vino, echa oreñemuñagüe Jonadab, Recab taɨ, oyopia oregüi jare oreñemuña reta güi agüɨye etei vaerä rou vino.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

San Lucas 1:14

Jare nde reyerovia yaeta ko. Jare jeta oyeroviata vi jae oa vae re.

San Lucas 7:28

Che jae peve, opaete kuimbae reta güi mbaetɨi kia nunga vae oyapɨraa Juan oporombobautisa vae. Ërei ngatu taɨkuegua yae Tumpa iporookuaía pe vae tuicha yaeta chugüi.

San Lucas 7:33

Echa Juan oporombobautisa vae ou, mbaetɨ jou tembíu jare vino. Jare pere: ‘Aña oya jese’.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Gálatas 1:15

Ërei Tumpa cheñono tee iyeupeguarä chesɨ jɨe peve, jare cheparavo ipɨakavi jeko pegua. Jare jae oipota ma yave,

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

JOSUÉ 3:7

Jayave yandeYa jei Josué pe: “Kuae ara güive rombotuicha yaeta opaete Israel iñemuña reta jóvai, oikuaa reta vaerä Moisés ndive aiko rami nde ndive aiko vae.

JOSUÉ 4:14

Jókuae ara yandeYa ombotuicha Josué opaete Israel iñemuña reta jóvai; jare oipoɨu reta chugüi opaete oikove oiko ramboeve, Moisés güi oipoɨu reta rami.