San Lucas 1:13 - Biblia Guarani Tumpa Iñee

¹³ Ërei araɨgua jei chupe: —Agüɨye ekɨɨye, Zacarías. Tumpa oendu ma ndeyerure, jare nderembireko Elisabet imembɨta ndeve metei kuimbae raɨ. Jare rembojeeta Juan.

Nuevo Testamento Guaraní Pe

¹³ Erei araɨgua jei chupe: —Agüɨye equɨye, Zacarías. Tumpa oendu ma ndeyerure, jare nerembireco Elisabet imembɨta renoi vaera nderaɨra. Jare rembojeeta Juan —jei—.

San Lucas 1:13 Iomraidhean Croise

GÉNESIS 17:10

Kuae ko jae cheporogüɨrökuavee päve yamboeteta yandeyeupe vae: Toyembocircuncidauka opaete kuimbae reta pepɨte pegua.

GÉNESIS 17:19

Tumpa jei chupe: —Añetete ko nderembireko Sara imembɨta ndeve kuri, jare rembojeeta Isaac; jare amoañeteta cheporogüɨrökuavee päve jae ndive jekuae avei pegua, jare vi iñemuña reta peguarä.

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

GÉNESIS 25:21

Isaac oyerure yandeYa pe jembireko re, echa imembɨmbae ko; jare yandeYa oendu chupe iyerure, jare ipurúa chupe jembireko Rebeca.

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

SALMOS 118:21

CheYa, tamee mbaemboete ndeve, echa reendu cheve, echa nde ko chereroasayepe vae.

ISAÍAS 8:3

Aroke cherembireko, jare ipurúa, jare oa imembɨ. Jayave yandeYa jei cheve: “Embojee Maher-salal-hasbaz pe.

DANIEL 10:12

Jayave jei cheve: ‘Daniel, agüɨye ekɨɨye; echa jókuae ara voi nde reipota reikuaa mbaembae yavai yae vae jare vi reñemomichi neTumpa jóvai rupive jae oendu ndeve ndeyerure, jáeramo che ayu.

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 14:27

Ërei jupiveiño Jesús ombou iñee chupe reta jei reve: —¡Agüɨye pekɨɨye, che ko!

San Mateo 28:5

Ërei araɨgua jei kuña reta pe: —Agüɨye pekɨɨye. Echa aikuaa peeka ko Jesús kurusu re oyekutuuka vae.

San Marcos 16:6

Ërei jae jei chupe reta: —Agüɨye pekɨɨye. Peeka ko peï Jesús Nazaret-ɨgua, kurusu re omano vae. Jae oikove ye ma ko. Mbaetɨ ma kuae pe oï. Mase, pemae jendagüe re.

San Lucas 1:14

Jare nde reyerovia yaeta ko. Jare jeta oyeroviata vi jae oa vae re.

San Lucas 1:30

Jayave araɨgua jei chupe: —Agüɨye ekɨɨye María. Echa Tumpa ko ipɨakatu nderé.

San Lucas 2:21

Jare michia juri ara ma güɨnoi yave, tu jare ichɨ ombocircuncidauka jare ombojee Jesús. Echa araɨgua omombeu María pe jökorai ombojee vaerä ndei ipurúa mbove.

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

JUECES 6:23

Ërei yandeYa jei chupe: —Agüɨye ekɨɨye ngaraa remano. Ndepɨakatuño.

1 SAMUEL 2:21

Jare yandeYa iporerekua Ana re. Opaete reve imembɨ mboapɨ kunumi mókoi kuñatai; jare kunumi Samuel okuakuaa yandeYa jóvai.