LEVÍTICO 9:3 - Biblia Guarani Tumpa Iñee

³ Jare Israel iñemuña reta pe ere: ‘Peipɨɨ mɨmba jete kavi vae metei kavara kuimbae, ñɨ̈ro pegua, metei toro jare metei vecha kuimbae metei año vae reta opaetei oyeapɨ vaerä.

LEVÍTICO 9:3 Iomraidhean Croise

GÉNESIS 37:31

Jayave oipɨɨ reta José jemimondegüe, jare oñaseokɨ̈ti reta metei kavara kuimbae raɨ jare jugüɨgüe pe oñapiramo reta.

ESDRAS 10:19

Kuae reta oñererökuavee omombo vaerä jembireko reta, jare omee reta mbota iyoa re metei vecha kuimbae jɨmba reta güi.

ESDRAS 6:17

Jare Tumpa jo oñeñono tee omboarete vae peguarä omee reta cien toro taɨrusu vae, dosciento vecha kuimbae jare cuatrociento vecha kuimbae taɨrusu vae; jare Israel iñemuña reta pe Tumpa iñɨ̈ro vaerä iyoa re, doce kavara kuimbae, Israel taɨ reta iñemuña ñavo re.

ÉXODO 12:5

Toipɨɨ reta mɨmba jete kavi vae, metei año güɨnoi vae; toipɨɨ reta vecha reta güi ani kavara reta güi.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

LEVÍTICO 10:16

Jare Moisés oparandu kavara kuimbae oyeyuka Tumpa iñɨ̈ro vaerä mbaeyoa re vae re, ërei opa ma yepe oyeapɨ; jare iyarasɨ Aarón taɨ reta opɨtaño vae kotɨ, Eleazar jare Itamar kotɨ, jei:

LEVÍTICO 12:6

Jare yetɨo iara reta opa omboapɨ yave, imembɨ kuimbae re, ani kuña re; togüeru metei vecha kuimbae taɨrusu vae metei año vae mɨmba opaetei oyeapɨ vaerä, jare metei pɨkasutï taɨrusu vae ani pɨkasui cheɨ̈ro vaerä mbaeyoa re. Togüeru sacerdote pe tupao guakapi pegua jöke pe.

LEVÍTICO 14:10

Jare juri araa pe, tomee mókoi vecha kuimbae taɨrusu vae jete kavi vae, jare metei vecha kuña metei año vae jete kavi vae, jare ova kilo trigokúi ipɨuasɨ vae mbotarä, oyemómbɨu olivo iasaite pe vae, jare olivo iasaite metei litro seri.

LEVÍTICO 16:15

Jaɨkue rupi toñaseokɨ̈ti kavara kuimbae tëta pegua reta iyoa re, cheɨ̈ro vaerä mbaeyoa re, jare togüɨraja jugüɨ tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe toyapo toro taɨrusu vae jugüɨgüe oyapo rami, toñapiramo ñɨ̈ro renda re jare jóvai kotɨ.

LEVÍTICO 16:5

Jare Israel iñemuña reta güi togüeru mókoi kavara kuimbae, cheɨ̈ro vaerä mbaeyoa re, jare metei vecha kuimbae opaetei oyeapɨ vaerä.

LEVÍTICO 23:12

Jókuae ara pemee yave trigo iagüe, pemee vecha kuimbae taɨrusu vae metei año vae, jete kavi vae, mɨmba oyeyukagüe opaetei oyeapɨ vae cheve.

LEVÍTICO 4:23

Javoi ou oikuaa yave mbaeyoa oyapogüe re, tomee mbotarä kavara kuimbae jete kavi vae.

LEVÍTICO 4:3

Sacerdote tenondegua etei iyoa yave omboekouka vi ko tëta pegua reta, jökorai yave tomee cheve metei toro taɨrusu jete kavi vae, cheɨ̈ro vaerä mbaeyoa re.

LEVÍTICO 9:2

Jare jei Aarón pe: “Eipɨɨ mɨmba reta güi jete kavi vae metei toro taɨrusu vae, ñɨ̈ro pegua, jare vecha kuimbae opaetei oyeapɨ vaerä, jare emee yandeYa jóvai.

LEVÍTICO 9:4

Jaeramiño vi metei toro jare metei vecha kuimbae yembopɨakatu peguarä, peyuka yandeYa jóvai, jare trigokúi ipɨuasɨ kavi vae oyemómbɨu olivo iasaite pe vae; echa añave yandeYa oyeechaukata peve.’ ”

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,