LEVÍTICO 7:18 - Biblia Guarani Tumpa Iñee

¹⁸ Ërei mboapɨ araa pe oyeu yave jókuae mɨmba oyeyukagüe yembopɨakatu pegua isoogüe, jókuae mɨmba oyeyuka oñemee vae, Tumpa güɨröɨrota jare ngaraa vi oyepapa omee vae pe; pɨ̈chɨi yae ko, jare jókuae soo jou vae toiporara.

LEVÍTICO 7:18 Iomraidhean Croise

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

ISAÍAS 65:4

tɨvɨa rupi oguapɨ reta, iköe reta yaikuaambaea rupi; kuchi isoo jou reta, mbaetɨta tëi oyeu vae omotɨnɨe omboyɨ reta iyapepo pe.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

EZEQUIEL 18:20

Jaeño iyoa vae omanota, kuimbae taɨ ngaraa omboepɨ tu iyoa, ani kunumi tu, ngaraa omboepɨ taɨ iyoa. Jupi vae jepɨta chupe imbaejupi, jare iyoa vae oiporarata ikavimbae oyapo vae.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

LEVÍTICO 10:17

—¿Maera pa mbaetɨ peu mɨmba oyeyuka Tumpa iñɨ̈ro vaerä mbaeyoa re vae oñeñono teea pe? Echa oñeñono tee kavi yae vae ko, jae omee peve peraja vaerä jeta vae reta jeko ikavimbae, oñeñono kavi ye vaerä yandeYa jóvai.

LEVÍTICO 10:19

Jare Aarón jei Moisés pe: —Mase añave omee reta ma mɨmba oyeyuka Tumpa iñɨ̈ro vaerä mbaeyoa re vae, jare mɨmba oyeyukagüe opaetei oyeapɨ yandeYa jóvai vae, jare che asusere aï re katu kuae oasa che ndive. Jau yave jókuae mɨmba oyeyukagüe Tumpa iñɨ̈ro vaerä mbaeyoa re vae, ¿ambopɨakatuta ra yandeYa?

LEVÍTICO 11:41

Jare opaete ipɨtía re oguata ɨvɨ re vae reta agüɨye peu, oporomboyuguaru vae ko.

LEVÍTICO 17:16

Ërei mbaetɨ yave oputuka jemimonde ani oyau, toiporara jeko oyapogüe.”

LEVÍTICO 19:5

Jare pemee yave mɨmba oyeyukagüe yembopɨakatu pegua cheve, pemee Tumpa ombopɨakatuta vae.

LEVÍTICO 20:17

Kia nunga vae güɨreko yave jeindɨ, tu tee vae ani ichɨ tee vae, oyomboeteä ko, teko oporomomaraiuka vae ko oyapo reta; jókuae jeko pegua tomano mókoi reve jëta pegua reta jovake. Jókuae omboeteä jeindɨ vae, toiporara jeko re.

LEVÍTICO 20:19

Agüɨye pepoko peyaiche re ani pesɨɨ re, perëtara ete ko; jókuae oyapo vae reta toiporara jeko re.

LEVÍTICO 22:16

echa jou reta ko yave jókuae mbota oñeñono tee Tumpa pe vae omboekoukata ko Israel iñemuña reta. Che ko peYa poñono tee vae.”

LEVÍTICO 22:23

Toro ani vecha kuimbae jete oikomeguagüe ipuereño omee reta mbota kɨ̈reɨ ngatu reve oñemee vae; ërei oñererökuavee vae ombopo vaerä omee yave, ngaraa Tumpa ipɨakatu jese.

LEVÍTICO 22:25

Agüɨye ketɨgua reta güi ave toipɨɨ reta kuae nunga mɨmba oñemee vaerä tembiurä peTumpa pe, echa mɨmba oikomeguagüe ko; mbaetɨ ko jete kavi, Tumpa ngaraa ipɨakatu jese peve.”

LEVÍTICO 5:17

Kia nunga vae mbae oyapo vae rupi iyoa yave, cheporookuai kotɨ agüɨyeta tëi oyeapo vae oyapo yave, yepe tëi oikuaambae reve oyapo, tijeko topɨta, toiporara iyoa re.

LEVÍTICO 7:19

Oime yave mbae ikɨa vae oya jókuae soo re, agüɨye toyeu; toyeapɨ tata pe. Opaete ikɨambae oï vae ipuere jou soo.

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

MALAQUÍAS 1:13

Jare pere ye: “¡Orembogüérai yae ma kuaekuae!” Jare chereröɨro; peru mbotarä peñomigüe, iköchogüe, imbaerasɨgüe. ¿Aipɨɨta pa jókuae nunga pegüi?

NÚMEROS 18:27

Jare jókuae mbota oyepapata chupe reta, Israel iñemuña reta omee mbota trigo güi ani uva tɨgüegüe güi rami.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

Romanos 4:11

Jaɨkue rupi oyembocircuncidauka, oikuaauka vaerä Tumpa ombojupi ko iporogüɨrovia rupi ndei oyembocircuncidauka mbove. Jökorai Abraham ou opɨta opaete oporogüɨrovia vae oyembocircuncidaukambae vae reta tu rami. Jökorai jae reta iporogüɨrovia rupi Tumpa omae vaerä jese jupi;

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.