LEVÍTICO 7:16 - Biblia Guarani Tumpa Iñee

¹⁶ Ërei omee yave mɨmba oyeyukagüe iñererökuavee ombopo vaerä ani ipɨa-kɨ̈reɨ ngatu rupi vae, toyeu jókuae mbota jókuae ara oñemee yave, jare jembɨregüe toyeu pɨareve pe.

LEVÍTICO 7:16 Iomraidhean Croise

SALMOS 116:14

Tambopo cheYa pe opaete arökuavee chupe vae, opaete jae imbae vae reta jóvai.

SALMOS 116:18

Tambopo cheYa pe opaete arökuavee chupe vae, opaete jae imbae vae reta jóvai,

SALMOS 66:13

Aiketa ndero pe amee ndeve mɨmba oyeyukagüe opaetei oyeapɨ vae; ameeta ndeve añererökuavee vae,

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

PROVERBIOS 7:14

“Che añererökuavee amee vaerä mɨmba oyeyukagüe yembopɨakatu pegua, kuae ara ambopo ma jókuae añererökuavee vae.

EZEQUIEL 46:12

Ërei mburuvicha omee yave mɨmba oyeyukagüe opaetei oyeapɨ vae ani ramo omee yave mbota yembopɨakatu pegua, oyepeata chupe öke kuaraɨ oëa kotɨ omae vae, javoi omeeta mɨmba oyeyukagüe opaetei oyeapɨ vae jare mbota yembopɨakatu pegua, ara mbutuu pegua pe oyeapo rami; javoi oë yeta; oë güire oyeokenda yeta öke.

LEVÍTICO 22:23

Toro ani vecha kuimbae jete oikomeguagüe ipuereño omee reta mbota kɨ̈reɨ ngatu reve oñemee vae; ërei oñererökuavee vae ombopo vaerä omee yave, ngaraa Tumpa ipɨakatu jese.

LEVÍTICO 22:29

Pemee yave mɨmba oyeyukagüe yasoropai pegua cheve, pemee chembopɨakatuta vae.

LEVÍTICO 23:38

Peipapambae reve ara mbutuu pegua pe pemee vae, mbota reta jare mbota reta peñererökuavee pemee vaerä vae ani mbota reta kɨ̈reɨ ngatu reve pemee cheve vae.

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

NÚMEROS 15:3

pemee yave mbota oyeapɨ vae yandeYa pe, mɨmba oyeyukagüe opaetei oyeapɨ vae ani mɨmba oyeyukagüe; jókuae mbota peñererökuavee pe aeño pemee vaerä vae, ani pepɨa-kɨ̈reɨ ngatu reve pemee vae, ani pearete guasu pe pemee mbota ipiche katu vae yandeYa pe vae, toro ani vecha yepe;

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:17

Agüɨye peu perëta pe pediezmo, trigo jäɨgüe, vino ani olivo iasaite, peguaka imembɨrɨpɨ ani vecha imembɨrɨpɨ, ani peñererökuavee pemee vaerä vae ani mbota kɨ̈reɨ ngatu reve oñemee vae, ani mbota oñererökuavee vae.

DEUTERONOMIO 12:26

Ërei mbae peñono tee, jare peñererökuavee pemee vaerä Tumpa pe vae, peru jókuae yandeYa oiparavoa pe,

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.