LEVÍTICO 7:12 - Biblia Guarani Tumpa Iñee

¹² Oñemee yave mbota yasoropai pegua Tumpa pe, toñemee mɨmba oyeyukagüe ndive mbɨyape oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae, jare mbɨyape trigokúi ipɨuasɨ vae olivo iasaite pe oyemómbɨu vae.

LEVÍTICO 7:12 Iomraidhean Croise

2 CRÓNICAS 29:31

Javoi Ezequías jei chupe reta: “Añave pe reta peñeñono tee ete ma ko yandeYa pe, jayave pemee mɨmba oyeyukagüe jare mbota yasoropai pegua yandeYa jo pe.” Jare opaete vae güeru mɨmba oyeyuka vaerä jare mbota yasoropai pegua, jare opaete ipɨakavi vae reta güeru mɨmba oyeyuka opaeteita oyeapɨ vae.

2 CRÓNICAS 33:16

Javoi oñono kavi ye mɨmba oyeyuka oyeapɨ jese vae, yandeYa imbae, jare oyuka mɨmba omee jese mbota yembopɨakatu peguarä jare mbaemboete pegua; jare oyókuai Judá pegua reta omboete vaerä yandeYa, Israel iTumpa.

NEHEMÍAS 12:43

Jókuae ara omee reta jeta mɨmba oyeyukagüe Tumpa peguarä, jare oyerovia yae reta, echa Tumpa omee yerovia katu chupe reta; oyerovia vi kuña reta jare michia reta; jare jókuae yerovia katu oï Jerusalén pe vae matɨ oyeendu.

SALMOS 107:8

Pemboete yandeYa iporoparareko re, ¡mbae ikavi vae oyapo kuimbae reta peguarä vae re!

SALMOS 116:17

Tamee ndeve mbaemboete, jare taenɨi cheYa jee.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

LEVÍTICO 2:4

Kia nunga vae omee yave mbotarä horno pe oyemboyɨ vae, toyapo mbɨyape trigokúi ipɨuasɨ vae oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae.

LEVÍTICO 2:5

Ërei omee yave mbotarä temitɨ jäɨgüe takɨpe pe oyemboyɨ vae, toyapo trigokúi ipɨuasɨ vae oyembovumbae olivo iasaite pe oyemómbɨu vae.

LEVÍTICO 22:29

Pemee yave mɨmba oyeyukagüe yasoropai pegua cheve, pemee chembopɨakatuta vae.

LEVÍTICO 6:16

Jare jókuae mbota güi jembɨregüe topɨta Aarón jare taɨ reta peguarä; oyembovumbae tou reta oñeñono teea pe, tupao guakapi pegua joka pe tou reta.

LEVÍTICO 7:15

Jare mɨmba oyeyukagüe yembopɨakatu pegua isoo yasoropai pegua toyeu jókuae ara oñemee oï yave; agüɨye toeya kërai ave yepe ïru ara peguarä.

AMÓS 4:5

Jare pemee mɨmba oyeyukagüe mbaemboete pegua, mbɨyape oyembovugüe ndive, jare pemoërakua oipota rupi mbota pepɨa-kɨ̈reɨ ngatu reve pemee vae, echa jókuae ko pemomora pe Israel iñemuña reta.” Jei yandeYa Tumpa.

NÚMEROS 6:15

Jare vi metei kanata mbɨyape oyembovumbae, trigokúi ipɨuasɨ kavi vae, olivo iasaite pe oyemómbɨu vae, jare mbɨyape ipïreriasɨ vae, oyembovumbae olivo iasaite oñeñono jese vae, mbota temitɨ jäɨgüe jare vino oyepɨyere vae.

San Lucas 17:16

Jare oyetavatɨka itindɨasɨ reve Jesús jóvai jare omee yasoropai chupe. Jare jókuae jae ko Samariaɨgua.

San Lucas 17:18

¡Jaeño kuae metei judiombae vae ou ye omboete vaerä Tumpa!

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.