LEVÍTICO 7:1 - Biblia Guarani Tumpa Iñee

¹ Jaeramiño jae kuae mborookuai kërai oyeapo vaerä mɨmba oyeyuka ñɨ̈ro pegua jare mbaemboepɨ oñemoïru reve vae. Kuae ko jae oñeñono tee kavi yae Tumpa peguarä vae.

LEVÍTICO 7:1 Iomraidhean Croise

2 CRÓNICAS 31:14

Jare levita Coré, Imna taɨ, öke kuaraɨ oëa kotɨgua iyangarekoa, oyangareko mbota reta pɨa-kɨ̈reɨ ngatu reve oñemee Tumpa peguarä vae re, jare omboyao vaerä mbota reta oñeñono tee yandeYa pe vae jare mbaembae oñeñono tee kavi yae Tumpa peguarä vae.

EZEQUIEL 40:39

Öke yaikea iyɨke pe oï mókoi mesa, jare iyɨke jovaicho pe mókoi mesa vi, jókuae reta re oñeaseokɨ̈ti mɨmba oyeyukagüe opaetei oyeapɨ vaerä vae, ñɨ̈ro pegua jare mbaeyoa regua.

EZEQUIEL 44:29

Mbota temitɨ jäɨgüe, mɨmba oyeyuka Tumpa iñɨ̈ro vaerä mbaeyoa re vae jare mɨmba oyeyuka mbaeyoa re vae güi tou reta, jare opaete mbaembae oñeñono tee Israel pe vae, jae reta imbaerä toiko.

EZEQUIEL 46:20

jare jei cheve: “Kuae pe ko jae sacerdote reta omboyɨta mbota mbaeyoa regua jare mɨmba oyeyukagüe Tumpa iñɨ̈ro vaerä mbaeyoa re vae; joko pe omboyɨ retata mbota, agüɨye vaerä güɨnoe reta tupao joka tuicha vae pe. Jökorai opaete vae re agüɨye vaerä ova ñeñono tee.”

LEVÍTICO 21:22

Tumpa pe mbɨyape oñemee vae güi, jare mbaembae oñeñono tee vae jare oñeñono tee kavi yae vae güi ipuere jou,

LEVÍTICO 5:11

Ërei mbaetɨ korepoti oupitɨ chupe ogua vaerä mókoi pɨkasui ani mókoi pɨkasutï yave, mbaeyoa oyapo vae togüeru mókoi kilo trigokúi ipɨuasɨ vae Tumpa iñɨ̈ro vaerä chupe iyoa re, agüɨye toñono jese olivo iasaite ani ikäti kavi vae incienso, echa cheɨ̈ro mbaeyoa re vaerä ko.

LEVÍTICO 5:14

YandeYa jei Moisés pe:

LEVÍTICO 5:15

“Kia nunga vae oyavɨ yave jare iyoa oikuaambae reve chekotɨ, mbaembae oñeñono tee vae omeeä yave, togüeru jeko re cheve metei vecha kuimbae jete kavi vae jɨmba reta güi, nde emae kavi jepɨ re, o mbaemboetea pe korepoti ipoɨ oñejäa rami, mbota mbaeyoa re oñemee vae ko.

LEVÍTICO 5:7

Jare mbaetɨ korepoti oupitɨ chupe ogua vaerä vecha kuimbae taɨrusu vae yave; togüeru cheve, cheɨ̈ro vaerä chupe iyoa re, mókoi pɨkasui ani mókoi pɨkasutï: Metei toñemee, cheɨ̈ro vaerä mbaeyoa re, ïru opaetei oyeapɨ vaerä.

LEVÍTICO 5:8

Jare togüeru sacerdote pe, jare jae tomee tenonde cheɨ̈ro vaerä mbaeyoa re vae, toiyayu mondoo ërei agüɨye tomondoo etei iñäka;

LEVÍTICO 6:17

Agüɨye tomboyɨ reta mbae oyembovu pɨpe vae ndive; amee ko chupe reta mbota oyeapɨ oñemee cheve vae güi jae reta imbaerä; jae ko mbae oñeñono tee kavi yae cheve vae, mɨmba oyeyukagüe mbaeyoa re vae rami, jare mɨmba oyeyuka ñɨ̈ro peguarä vae rami.

LEVÍTICO 6:25

“Ere Aarón jare taɨ reta pe: Jae ko kuae mborookuai reta kërai oyeapo vaerä mɨmba oñemee Tumpa iñɨ̈ro vaerä mbaeyoa re vae, mɨmba oyeyukagüe opaetei oyeapɨta vae oyeyukaa pe toñaseokɨ̈ti mɨmba mbaeyoa regua cheróvai; kuae ko mbae oñeñono tee kavi yae cheveguarä vae.

NÚMEROS 6:12

jare jókuae tenonde oñererökuavee tëi nasareorä vae mbaetɨta oyepapa, echa ikɨa ko Tumpa jóvai. Toñeñono tee ye jókuae ara güive yandeYa peguarä jare togüeru vecha kuimbae taɨrusu metei año vae, Tumpa iñɨ̈ro vaerä mbaeyoa re.