LEVÍTICO 5:5 - Biblia Guarani Tumpa Iñee

⁵ Iyoa yave kuae mbaembae reta rupi, toyemombeu jókuae mbaeyoa oyapogüe re.

LEVÍTICO 5:5 Iomraidhean Croise

JOB 33:27

Jae omae opaete kuimbae re, jare nde rere: “Cheyoa, ayavɨ, ërei Tumpa mbaetɨ oiporarauka cheve,

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

LEVÍTICO 16:21

jare toñono ipo mókoi reve kavara kuimbae oikove vae iñäka re, jare tomombeu jese opaete Israel iñemuña reta oyapo mbae ikavimbae vae, opaete ipɨapochɨ reta, jare opaete iyoa reta, jökorai topa toñono mbaeyoa kavara kuimbae iñäka re, jare kuimbae oyeparavo jókuae peguarä vae togüɨraja tomondo ñuu kotɨ.

LEVÍTICO 26:40

Ërei peyemombeu yave ikavimbae peyapo vae re, peñemuñagüe reta oyapo rami peyapo vae re, jare oyovaicho reta yogüɨreko che ndive vae rami,

LEVÍTICO 5:13

Jare sacerdote toyapo chupe cheɨ̈ro vaerä iyoa re, jókuae mbaembae reta güi oyapogüe, jare cheɨ̈rota; jare jembɨregüe topɨta sacerdote peguarä, mbota temitɨ jäɨgüe oñemee vae rami.”

NÚMEROS 5:7

jókuae nunga toyemombeu jókuae iyoa re, jare opaetei tomboekovia jókuae oyapogüe jare tomoïru pandepo güi metei ye, jare tomee jókuae iyoa ikotɨ vae pe.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

JOSUÉ 7:19

Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.