LEVÍTICO 5:16 - Biblia Guarani Tumpa Iñee

¹⁶ Jare tomboepɨ jókuae mbaembae oñeñono tee vae güi omeembae, pandepo yave tomboekovia pandepo reve jare metei ye, jare tomee sacerdote pe; jare sacerdote toyapo chupe, cheɨ̈ro vaerä iyoa re, jókuae vecha kuimbae oyeyukagüe mbaeyoa re vae rupi, jare cheɨ̈rota chupe.

LEVÍTICO 5:16 Iomraidhean Croise

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

ÉXODO 22:1

Kia nunga vae oñomi yave güeye ani vecha, jare oyuka ani omee yave, jókuae güeye re tomboepɨ pandepo güeye, jókuae vecha re tomboepɨ irundɨ vecha.

LEVÍTICO 22:14

Kia nunga vae jou yave oikuaambae reve mbota oñeñono tee vae güi, tomboekovia jare tomoïru pandepo vae güi metei ye, jare tomee sacerdote pe mbota oñeñono tee vae ndive.

LEVÍTICO 27:13

ërei iya yeño ikɨ̈reɨ ogua yave tomboepɨ omoïru reve jepɨ, pandepo güi metei ye,

LEVÍTICO 27:15

Ërei iya yeño ikɨ̈reɨ ogua yave tomboepɨ omoïru reve jepɨ, pandepo güi metei ye, jare topɨta ye imbaerä.

LEVÍTICO 27:27

Ërei mɨmba reta oyeumbae vae yave, pepuere pegua ye jepɨ oñeñono rupi, jare pemboepɨ pemoïru reve jepɨ, pandepo güi metei ye. Ërei mbaetɨ pepuere pegua ye yave, toñemee oipotagüe pe, jepɨ oñeñono rupi.

LEVÍTICO 27:31

Kia nunga vae oipota yave omboepɨ jókuae payandepo güi metei yave, tomboepɨ omoïru reve jepɨ, pandepo güi metei ye.

LEVÍTICO 4:20

Jare jókuae toro taɨrusu vae toyapo, jókuae ïru toro taɨrusu vae oñemee Tumpa iñɨ̈ro vaerä mbaeyoa re rami; jökorai etei toyapo sacerdote, jae reta iyoa re cheɨ̈ro vaerä; jare cheɨ̈rota chupe reta.

LEVÍTICO 4:26

Jare opaete ikɨragüe toapɨ mɨmba oyeyuka oyeapɨ jese vae re, mbota yembopɨakatu pegua ikɨragüe rami; jökorai toyapo sacerdote jókuae mburuvicha iyoa re, cheɨ̈ro vaerä iyoa re, jare cheɨ̈rota chupe.

LEVÍTICO 5:10

Jare ïru tomee opaetei oyeapɨ vaerä, mborookuai jei rami, jökorai sacerdote toyapo chupe cheɨ̈ro vaerä mbaeyoa oyapo vae re, jare cheɨ̈rota chupe.

LEVÍTICO 5:13

Jare sacerdote toyapo chupe cheɨ̈ro vaerä iyoa re, jókuae mbaembae reta güi oyapogüe, jare cheɨ̈rota; jare jembɨregüe topɨta sacerdote peguarä, mbota temitɨ jäɨgüe oñemee vae rami.”

LEVÍTICO 5:6

Togüeru cheve mɨmba rókai güi metei mɨmba kuña, cheɨ̈ro vaerä chupe iyoa re; metei vecha taɨrusu vae ani kavara, jare sacerdote toyapo chupe cheɨ̈ro vaerä iyoa re.

LEVÍTICO 7:2

Mɨmba oyeyukagüe opaetei oyeapɨta vae oyeyukaa pe toñaseokɨ̈ti mbota ñɨ̈ro pegua; jare jugüɨgüe pe toñapiramo mɨmba oyeyuka oyeapɨ jese vae iyɨke yɨke re.

NÚMEROS 5:7

jókuae nunga toyemombeu jókuae iyoa re, jare opaetei tomboekovia jókuae oyapogüe jare tomoïru pandepo güi metei ye, jare tomee jókuae iyoa ikotɨ vae pe.

NÚMEROS 5:8

Ërei jókuae kuimbae oyeapo ikavimbae chupe vae omano yave, mbaetɨ yave jëtara köiño chugüi vae pe oñemee vaerä jepɨgüe yave, kuae jepɨgüe topɨta yandeYa pe, sacerdote reta peguarä; jaeramiño vi jókuae vecha kuimbae, sacerdote omee chupe Tumpa iñɨ̈ro vaerä mbaeyoa re vae.

San Lucas 19:8

Jayave Zaqueo oyemboɨ yandeYa jóvai, jare jei chupe: —Mase, cheYa, ameeta chembaembae mbɨte rupi paravete vae reta pe. Jare oime yave kia pe oasa ete akovara, tamboekovia chupe irundɨ ye.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

1 SAMUEL 6:3

Jae reta jei: —Pemondo ye Tumpa ikäjou yave, agüɨye pemondo jökoraiño, pemondo vi mbota peyemboepɨ vaerä, jayave pekuerata jare peikuaata maera Tumpa oiporarauka peve.