LEVÍTICO 5:1 - Biblia Guarani Tumpa Iñee

¹ Kia nunga vae oñeenɨiuka yave mburuvicha reta jóvai imiari vaerä oechagüe re, jae ko oecha ani oikuaa ërei mbaetɨ ojo imiari yave, iyoa ko opɨta, toiporara jókuae iyoa re.

LEVÍTICO 5:1 Iomraidhean Croise

1 REYES 22:16

Ërei mburuvicha guasu jei chupe: —¿Mbovɨ ye pa jaeta ndeve, Tumpa jee re remombeu kavi vaerä cheve añete vae?

1 REYES 8:31

Kia nunga vae iyoa yave japicha kotɨ, jare güeru jei vaerä añete vae nderee re mɨmba oyeyuka oyeapɨ jese vae jóvai kuae tupao guasu pe yave,

2 CRÓNICAS 18:15

Ërei mburuvicha guasu jei ye chupe: —¿Mbovɨ ye pa jaeta ndeve yandeYa jee re remombeu vaerä cheve añete vaeño?

SALMOS 38:4

Echa jupimbae ayapogüe reta aiporara; ipoɨ yae vae rami, mbaetɨ chepuere aropɨa.

ÉXODO 22:11

yandeYa jee re tei jókuae mɨmba iya pe, mbaetɨ ko opoko jese vae, jare mɨmba iya togüɨrovia kuae jei chupe vae, jare agüɨye tomboepɨuka chupe.

PROVERBIOS 29:24

Imonda vae omborɨ katu vae, jekove kotɨ aeño ko oyovaicho, echa yepe tëi oñeengata chupe omombeu vaerä, ërei mbaetɨ omombeu.

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

EZEQUIEL 18:20

Jaeño iyoa vae omanota, kuimbae taɨ ngaraa omboepɨ tu iyoa, ani kunumi tu, ngaraa omboepɨ taɨ iyoa. Jupi vae jepɨta chupe imbaejupi, jare iyoa vae oiporarata ikavimbae oyapo vae.

EZEQUIEL 18:4

Chembae ko opaete vae; michia reta jare tu reta. Kia iyoa vae, omanota ko.

LEVÍTICO 17:16

Ërei mbaetɨ yave oputuka jemimonde ani oyau, toiporara jeko oyapogüe.”

LEVÍTICO 19:8

jare jókuae soo jou vae toiporara teko oyavɨ vae re, echa mbaetɨ omboete cheve oñeñono tee vae; toyemombo ete kavi jëtara reta ipɨte güi.

LEVÍTICO 20:17

Kia nunga vae güɨreko yave jeindɨ, tu tee vae ani ichɨ tee vae, oyomboeteä ko, teko oporomomaraiuka vae ko oyapo reta; jókuae jeko pegua tomano mókoi reve jëta pegua reta jovake. Jókuae omboeteä jeindɨ vae, toiporara jeko re.

LEVÍTICO 4:2

“Ere Israel iñemuña reta pe: Kia nunga vae oyavɨ oikuaambae reve rupi iyoa yave cheporookuai reta kotɨ, agüɨyeta tëi oyeapo vae güi oyapo yave metei:

LEVÍTICO 5:15

“Kia nunga vae oyavɨ yave jare iyoa oikuaambae reve chekotɨ, mbaembae oñeñono tee vae omeeä yave, togüeru jeko re cheve metei vecha kuimbae jete kavi vae jɨmba reta güi, nde emae kavi jepɨ re, o mbaemboetea pe korepoti ipoɨ oñejäa rami, mbota mbaeyoa re oñemee vae ko.

LEVÍTICO 5:17

Kia nunga vae mbae oyapo vae rupi iyoa yave, cheporookuai kotɨ agüɨyeta tëi oyeapo vae oyapo yave, yepe tëi oikuaambae reve oyapo, tijeko topɨta, toiporara iyoa re.

LEVÍTICO 7:18

Ërei mboapɨ araa pe oyeu yave jókuae mɨmba oyeyukagüe yembopɨakatu pegua isoogüe, jókuae mɨmba oyeyuka oñemee vae, Tumpa güɨröɨrota jare ngaraa vi oyepapa omee vae pe; pɨ̈chɨi yae ko, jare jókuae soo jou vae toiporara.

NÚMEROS 9:13

Ërei mbaetɨ oyapo Pascua vae, yepe tëi mbaetɨ ikɨa ani ketɨ ojo; jókuae nunga toyemombo ete kavi jëtara reta ipɨte güi. Mbaetɨ omee mbota yandeYa pe oñemeeta tëi vae jeko pegua, toiporara iyoa re.

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

JUECES 17:2

jae oyemombeu ichɨ pe, jei: —Jókuae mil cien reare korepoti pegua oñomi ndegüi vae re reyepopeyu vae, che oime anoi jókuae korepoti. Che ko añomi ndegüi; ërei añave tamee ye ndeve, echa aendu rere jókuae korepoti reñono tee ko yandeYa peguarä, remondo vaerä reyapouka metei mbae iä oñeopa vae jare oyemondɨkui vae korepoti pegua. Jare omee ye chupe korepoti. Jayave ichɨ jei: —¡Tumpa tiporerekua nderé chemembɨ!