LEVÍTICO 4:3 - Biblia Guarani Tumpa Iñee

³ Sacerdote tenondegua etei iyoa yave omboekouka vi ko tëta pegua reta, jökorai yave tomee cheve metei toro taɨrusu jete kavi vae, cheɨ̈ro vaerä mbaeyoa re.

LEVÍTICO 4:3 Iomraidhean Croise

2 CRÓNICAS 29:21

Jare güɨraja reta chiu toro taɨrusu vae, chiu vecha kuimbae, chiu vecha kuimbae taɨrusu vae, jare chiu kavara kuimbae Tumpa iñɨ̈ro vaerä mbaeyoa reta re: Mburuvicha guasu reta pe, o mbaemboetea pe oyeokuai vae reta pe jare Judá pegua reta pe. Javoi mburuvicha guasu oyókuai sacerdote reta Aarón iñemuña reta omee vaerä yandeYa pe mɨmba oyeyukagüe opaetei oyeapɨ vae mɨmba oyeapɨ jese vae re.

ESDRAS 8:35

Tembipɨɨ güi oyerova ye vae reta omee reta mɨmba oyeyukagüe opaetei oyeapɨ vae Israel iTumpa pe, doce toro taɨrusu vae opaete Israel iñemuña reta re, noventa y seis vecha kuimbae, setenta y siete vecha kuimbae taɨrusu vae, jare doce kavara kuimbae Tumpa iñɨ̈ro vaerä mbaeyoa re. Opaete kuae mɨmba reta oyeyukagüe opaetei oyeapɨ yandeYa pe.

ÉXODO 29:14

ërei isoo, ipire jare jepoti, eapɨ teyupa güi ikatu pe; jae ko mbota mbaeyoa regua.

ÉXODO 29:21

Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

ÉXODO 30:10

Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

EZEQUIEL 40:39

Öke yaikea iyɨke pe oï mókoi mesa, jare iyɨke jovaicho pe mókoi mesa vi, jókuae reta re oñeaseokɨ̈ti mɨmba oyeyukagüe opaetei oyeapɨ vaerä vae, ñɨ̈ro pegua jare mbaeyoa regua.

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

EZEQUIEL 44:27

Javoi oike ye tupao joka michi vae pe oyapo vaerä joko pegua mbaravɨkɨ yave, tomee iyé mɨmba oyeyukagüe Tumpa iñɨ̈ro vaerä mbaeyoa re vae. Che ndeYa Tumpa jae kuae.

LEVÍTICO 1:10

Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.

LEVÍTICO 1:3

Güeru yave mɨmba oyeyuka opaetei oyeapɨ vaerä vae; togüeru toro jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.

LEVÍTICO 16:11

Jare Aarón togüeruruka toro taɨrusu vae jae imbae, jare toñaseokɨ̈ti cheɨ̈ro vaerä iyoa re, jökorai toyapo ñeñono kavi iyeupeguarä jare jo pegua reta peguarä.

LEVÍTICO 16:3

Togüeru o mbaemboetea pe metei toro taɨrusu vae, cheɨ̈ro vaerä mbaeyoa re jare metei vecha kuimbae opaetei oyeapɨ vaerä vae.

LEVÍTICO 16:5

Jare Israel iñemuña reta güi togüeru mókoi kavara kuimbae, cheɨ̈ro vaerä mbaeyoa re, jare metei vecha kuimbae opaetei oyeapɨ vaerä.

LEVÍTICO 16:6

Jare Aarón togüeruruka toro taɨrusu vae jae imbae, cheɨ̈ro vaerä mbaeyoa re, jare toyapo ñeñono kavi iyeupeguarä jare jo pegua reta peguarä.

LEVÍTICO 4:14

jaɨkue rupi ou oikuaa reta mbaeyoa oyapogüe yave, tomee reta toro taɨrusu vae cheɨ̈ro vaerä mbaeyoa re, togüeru reta tupao guakapi pegua jóvai.

LEVÍTICO 4:23

Javoi ou oikuaa yave mbaeyoa oyapogüe re, tomee mbotarä kavara kuimbae jete kavi vae.

LEVÍTICO 4:28

javoi ou oikuaa yave mbaeyoa oyapogüe re, togüeru mbotarä metei kavara kuña jete kavi vae iyoa re.

LEVÍTICO 4:5

Javoi toekɨ toro taɨrusu vae jugüɨgüe, jare togüeru tupao guakapi pegua japɨpe;

LEVÍTICO 5:6

Togüeru cheve mɨmba rókai güi metei mɨmba kuña, cheɨ̈ro vaerä chupe iyoa re; metei vecha taɨrusu vae ani kavara, jare sacerdote toyapo chupe cheɨ̈ro vaerä iyoa re.

LEVÍTICO 6:18

Opaete kuimbae Aarón iñemuña reta tou joko güi, mborookuai oiko avei vae toiko peveguarä jare peñemuña reta peguarä kuae nunga mbota oyeapɨ cheveguarä vae, kuae ara güive tenonde kotɨ. Oipotagüe oñátai vae toñeñono tee topɨta oñeñono kavi ye regua.”

LEVÍTICO 8:12

Jare opɨyere olivo iasaite yeparavo pegua Aarón iñäka re, jökorai oñeñono tee vaerä Tumpa isacerdoterä.

LEVÍTICO 9:2

Jare jei Aarón pe: “Eipɨɨ mɨmba reta güi jete kavi vae metei toro taɨrusu vae, ñɨ̈ro pegua, jare vecha kuimbae opaetei oyeapɨ vaerä, jare emee yandeYa jóvai.

LEVÍTICO 9:3

Jare Israel iñemuña reta pe ere: ‘Peipɨɨ mɨmba jete kavi vae metei kavara kuimbae, ñɨ̈ro pegua, metei toro jare metei vecha kuimbae metei año vae reta opaetei oyeapɨ vaerä.

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

NÚMEROS 8:8

Jaɨkue rupi toipɨɨ reta metei toro, trigokúi ipɨuasɨ kavi yae vae, olivo iasaite pe oyemómbɨu vae ndive; jare eipɨɨ ïru toro, Tumpa iñɨ̈ro vaerä mbaeyoa re.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 5:3

jáeramo, ikavi ko omee vaerä iyegua mɨmba oyeyukagüe jare opaete vae reta re.

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.