LEVÍTICO 3:16 - Biblia Guarani Tumpa Iñee

¹⁶ Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 3:16 Iomraidhean Croise

GÉNESIS 4:4

Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota güeru vae re.

2 CRÓNICAS 29:35

Jökorai oime jeta mɨmba oyeyukagüe opaetei oyeapɨ vae, mbota mbɨakatu pegua oñemee vae ikɨragüe ndive jare mbota vino oyepɨyere vaerä vae mɨmba oyeyukagüe opaetei oyeapɨ vae re. Jare jökorai oyeapo ye mbaravɨkɨ yandeYa jo pegua.

2 CRÓNICAS 7:7

Jaeramiño vi Salomón oñono tee yandeYa itupao guasu joka, jöke jenonde oï vae, echa joko pe omee mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua ikɨragüe, echa mɨmba oyeyuka oyeapɨ jese vae jiero iyu vae pegua Salomón oyapo vae, mbaetɨ iyave mɨmba oyeyukagüe opaetei oyeapɨ vae reta, mbota reta temitɨ jäɨ jare mɨmba ikɨragüe reta.

ÉXODO 29:13

Eekɨ vi opaete ikɨra ichuri oñova vae, ipɨa jare ipɨ̈rɨkɨti reta ikɨra, jare eapɨ mɨmba oyeyuka oyeapɨ jese vae re;

ÉXODO 29:22

Jaɨkue rupi eekɨ vecha kuimbae ikɨragüe, juguaigüe, ikɨra ichuri oñova vae, ipɨa ikɨragüe, jare ipɨ̈rɨkɨti mókoi reve ikɨra ndive jare iugüe iyakatu kotɨgua; echa jae ko vecha kuimbae ñeñono tee pegua.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

LEVÍTICO 17:6

Jare sacerdote toñapiramo jugüɨgüe pe mɨmba oyeyuka oyeapɨ jese vae, cheróvai oï vae, jare toapɨ ikɨragüe mbae ipiche katu vae cheveguarä.

LEVÍTICO 4:26

Jare opaete ikɨragüe toapɨ mɨmba oyeyuka oyeapɨ jese vae re, mbota yembopɨakatu pegua ikɨragüe rami; jökorai toyapo sacerdote jókuae mburuvicha iyoa re, cheɨ̈ro vaerä iyoa re, jare cheɨ̈rota chupe.

LEVÍTICO 4:31

Jare toekɨ chugüi, opaetei ikɨragüe mɨmba oyeyukagüe yembopɨakatu pegua ikɨragüe oyeekɨ rami, jare sacerdote toapɨ mɨmba oyeyuka oyeapɨ jese vae re, ipiche katu vaerä cheve, jökorai sacerdote toyapo chupe, cheɨ̈ro vaerä iyoa re, jare cheɨ̈rota chupe.

LEVÍTICO 8:25

Jaɨkue rupi Moisés oipɨɨ ikɨragüe, juguaigüe, jare opaete ikɨra oï ichuri churigüe re vae, iyambia oï ipɨa re vae, jare ipɨ̈rɨkɨti reta ikɨra reve, jare iu iyakatu kotɨgua.

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.