LEVÍTICO 3:11 - Biblia Guarani Tumpa Iñee

¹¹ Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.

LEVÍTICO 3:11 Iomraidhean Croise

SALMOS 22:14

Aiko ɨ oyepɨyere vae rami; mbaetɨecha chekägüe iyoapɨa. Chepɨa iraitɨ rami, ochɨrɨrɨecha cheɨvɨte pe.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

LEVÍTICO 21:17

“Ere Aarón pe metei ave taɨ reta ani taɨ iñemuña reta jete oikomegua reve, agüɨye togüɨroike mbɨyape Tumpa pe.

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 22:25

Agüɨye ketɨgua reta güi ave toipɨɨ reta kuae nunga mɨmba oñemee vaerä tembiurä peTumpa pe, echa mɨmba oikomeguagüe ko; mbaetɨ ko jete kavi, Tumpa ngaraa ipɨakatu jese peve.”

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 3:5

Opaete kuae reta Aarón taɨ reta toapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, yepea tata pe oï vae iárambo; mbota ipiche katu vae ko cheveguarä.

MALAQUÍAS 1:12

Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

MALAQUÍAS 1:7

Pe reta peru cheve mbɨyape ikɨa vae, mɨmba oyeyuka oyeapɨ jese vae chembae pe, jare pere yeti: ‘¿Mbae pe pa romboeteä?’ Pe chemboeteä pepɨa pe peröɨro yave mɨmba oyeyuka oyeapɨ jese vae chembae,

NÚMEROS 28:2

“Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

NÚMEROS 28:24

Körai pemee jókuae chiu ara oikota arete vae pe, tembíu jare mbota oyeapɨ vae jare ipiche katu yandeYa peguarä vae. Kuae toñemee vino oyepɨyere vae ndive, mɨmba oyeyukagüe opaetei oyeapɨ ara ñavo pegua oñemee reve.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.