LEVÍTICO 3:1 - Biblia Guarani Tumpa Iñee

¹ Kia nunga vae omee jɨmba reta güi mɨmba oyeyuka yembopɨakatu peguarä yave, tomee toro ani guaka jete kavi vae cheve.

LEVÍTICO 3:1 Iomraidhean Croise

1 CRÓNICAS 21:26

jare joko pe omopüa metei mɨmba oyeyuka oyeapɨ jese vae yandeYa pe, jare omee mɨmba oyeyukagüe opaetei oyeapɨ vae jare mɨmba oyeyuka oñemee mbɨakatu pegua vae. Javoi oyerure yandeYa pe, jare jae omboyevɨ chupe ombou reve tata ara güi mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae re.

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ÉXODO 29:28

Toiko Aarón jare taɨ reta peguarä, jare Israel iñemuña reta pe mborookuai jekuae avei pegua, echa mbota oñererökuavee oñemee vae ko; jae kuae Israel iñemuña reta omee vaerä, mɨmba oyeyukagüe mbɨakatu pegua güi, jae reta imbaerä vae güi tomee mbotarä che peYa pe.

PROVERBIOS 7:14

“Che añererökuavee amee vaerä mɨmba oyeyukagüe yembopɨakatu pegua, kuae ara ambopo ma jókuae añererökuavee vae.

EZEQUIEL 43:27

Chiu ara opa oasa güire, juri araa güi jenonde kotɨ, sacerdote reta tomee jókuae mɨmba oyeyuka oyeapɨ jese vae re mɨmba oyeyukagüe opaetei oyeapɨ vae jare mbota reta yembopɨakatu pegua. Jare che chepɨakatuta peré. Che peYa Tumpa jae kuae.”

EZEQUIEL 45:15

Dosciento vecha vae güi oñemeeta metei vecha, oyemongɨra kavi yae vae Israel pegua. Kuae ko jae mɨmba oyeyukagüe opaetei oyeapɨ vaerä, mbota yembopɨakatu peguarä, mɨmba oyeyuka Tumpa iñɨ̈ro mbaeyoa re vaerä. Che ndeYa Tumpa jae kuae.

LEVÍTICO 1:10

Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.

LEVÍTICO 1:3

Güeru yave mɨmba oyeyuka opaetei oyeapɨ vaerä vae; togüeru toro jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.

LEVÍTICO 17:5

Kuae oyeapo ko Israel iñemuña reta kerupi mɨmba oyukase vae güeru vaerä mɨmba cheve, tupao guakapi pegua jöke pe sacerdote pe, jare jae tomee jese reta mbota yembopɨakatu pegua cheve.

LEVÍTICO 3:6

Ërei kia nunga vae omee jɨmba reta güi mɨmba oyeyukagüe yembopɨakatu peguarä cheve yave, tomee jete kavi vae vecha kuimbae ani vecha kuña, kavara kuimbae ani kavara kuña.

LEVÍTICO 9:18

Aarón oñaseokɨ̈ti vi toro jare vecha kuimbae yembopɨakatu peguarä vae Israel iñemuña reta re oñemee vae, jare taɨ reta güɨraja jugüɨgüe, jare pɨpe oñapiramo mɨmba oyeyuka oyeapɨ jese vae iyɨke yɨke re.

LEVÍTICO 9:4

Jaeramiño vi metei toro jare metei vecha kuimbae yembopɨakatu peguarä, peyuka yandeYa jóvai, jare trigokúi ipɨuasɨ kavi vae oyemómbɨu olivo iasaite pe vae; echa añave yandeYa oyeechaukata peve.’ ”

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

MALAQUÍAS 1:8

jare peru pemee yave mɨmba jesambae oyeyuka vaerä, ¿ikavi vae pa jókuae? Jaeramiño vi peru yave mɨmba iköcho vae ani imbaerasɨgüe, ¿ikavi vae pa jókuae? ¡Peraja kuae nunga peruvicha pe! ¡Yaecha ra ipɨakatu omae peré jare mbota re!” Jei yandeYa Imbaepuere yae ete vae.

NÚMEROS 15:8

Toro oñemee yave, mɨmba oyeyukagüe opaetei oyeapɨ vaerä, ani mɨmba oyeyuka vaerä, peñererökuavee pe aeño pemee vaerä vae, ani yembopɨakatu peguarä yandeYa pe,

NÚMEROS 6:14

tomee yandeYa pe metei vecha kuimbae taɨrusu metei año vae, jete kavi vae, mɨmba oyeyuka opaetei oyeapɨ vaerä vae, jare metei vecha kuña taɨrusu metei año vae, jete kavi vae, Tumpa iñɨ̈ro vaerä mbaeyoa re, jare metei vecha kuimbae jete kavi vae, mbota yembopɨakatu peguarä.

NÚMEROS 7:17

jare mókoi toro, pandepo vecha kuimbae, pandepo kavara kuimbae jare pandepo vecha kuimbae taɨrusu vae metei año vae mbota yembopɨakatu peguarä. Kuaekuae ko jae Naasón, Aminadab taɨ mbota omee vae.

DEUTERONOMIO 12:27

jare joko pe pemee mɨmba oyeyukagüe opaetei oyeapɨ vae. Mɨmba oyeyukagüe jugüɨ toyepɨyere mɨmba oyeapɨ jese vae re yandeYa imbae re, ërei isoogüe pepuere peu.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

JUECES 21:4

Pɨareve pe Israel iñemuña reta opüa ndeimboveasɨ, oyapo reta mɨmba oyeyuka oyeapɨ jese vae jare omee reta mɨmba oyeyukagüe opaetei oyeapɨ vae jare mbota yembopɨakatu pegua.