LEVÍTICO 26:6 - Biblia Guarani Tumpa Iñee

⁶ Jare che ameeta mbɨakatu peve peɨvɨ pe, jare peke pɨagüiveta, ngaraa oime peiämondo vae; opata aekɨuka peɨvɨ güi mɨmba pochɨ vae reta ñana rupigua, jare ngaraa etei oime ñeraro peɨvɨ pe.

LEVÍTICO 26:6 Iomraidhean Croise

2 REYES 2:24

Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

2 CRÓNICAS 20:30

Jare jökorai Josafat oiko mburuvicha guasurä yave oime mbɨakatu, echa iTumpa omee chupe güɨnoi vaerä mbɨakatu opaete tëta iyɨvɨrigua reta ndive.

JOB 11:19

Reyapakua yave, ngaraa kia nemongɨɨye, jeta yogüeruta oeka ndeve ndeporomborɨ vae.

JOB 5:23

Ita reta ave ngaraa ndemboavai ndeko pe, mɨmba reta ñana rupigua ngaraa maratu ndeapo.

SALMOS 144:14

Oregüeye reta tijäta ngatu mbaravɨkɨ peguarä; agüɨye topüa oreré vae, ani torereraja vae, agüɨye toyeendu sapúkai kɨɨye pegua orerokaguasu reta rupi vae.

SALMOS 147:14

Jae güeru mbɨakatu ndeve, omee ndeve jeta trigo ikavigüe.

SALMOS 29:11

YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.

SALMOS 3:5

Ayapakua jare ake, jare apa ye, echa cheYa oyangareko cheré.

SALMOS 4:8

Mbɨakatu reve ayapakuata jare jökorai aketa, echa ndeño cheYa, remee aiko pɨagüive.

SALMOS 85:8

Ayeapɨsakata aï cheYa Tumpa jeita vae re; echa imiarita mbɨakatu, imbae vae reta pe jare jupi rupi yogüɨreko vae reta pe, agüɨye vaerä ma oyerova ye ikavimbae kotɨ.

ÉXODO 23:29

Mbaetɨta metei año peño amoë amombo perenonde güi, agüɨye vaerä ɨvɨ opɨta ipombae, agüɨye vaerä mbaeporou reta oñemuña peve kaa rupi.

PROVERBIOS 3:24

Reputuu reï yave, ngaraa reyeandu reve reï; reyapakuaa yave, reke pɨagüiveta.

PROVERBIOS 6:22

ndereroatata reguata reiko yave, ndeangarekota reke reï yave, nemomiarita resareko ye yave.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 31:26

Jökorai yave apa jare amae. Chepaɨu ikavi yae cheve.

EZEQUIEL 14:15

Ambou yave mbaeporou reta metei ɨvɨ pe, opa vaerä jou jókuae ɨvɨ ipo reta jare oeya ipombae, ngaraa etei kia ikɨ̈reɨ oasa jokoropi, okɨɨye ramo mbaeporou reta güi,

EZEQUIEL 14:17

Ani aru yave ñeraro jókuae ɨvɨ re, omokañɨtei vaerä opaete vae reta jare mɨmba reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

EZEQUIEL 34:27

Ɨvɨra reta iata, ɨvɨ omeeta mbaagüɨye, jare jae reta yogüɨreko pɨagüiveta iɨvɨ pe. Aepɨ yave chembae vae reta tembɨpɨɨrä yogüɨreko vae güi, jayave chekuaa retata che ko jae peYa vae.

EZEQUIEL 5:17

Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe. Che peYa jae jökorai.”

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

OSEAS 2:20

Pogüɨrekota cheyeupe jupi rupi, jare chekuaata che ko jae peYa vae.

LEVÍTICO 25:18

Peyapo cheporookuai reta, jare peñovatu pepɨa pe. Peyapo yave peiko pɨagüiveta jókuae ɨvɨ pe;

LEVÍTICO 25:19

yagüɨye kavita peremitɨ reta, jeta mbae penoita peu vaerä, jare peiko pɨagüiveta jókuae ɨvɨ pe.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

LEVÍTICO 26:7

Pembotekuaraita perovaicho reta, jare opata pemoamɨri;

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

HAGEO 2:9

Kuae tupao ikavi yaeta oiko kuri, tenonde yave oikose vae güi; jare ameeta mbɨakatu kuae tëta pe, jei yandeYa Imbaepuere yae ete vae.’ ”

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

Hechos 12:6

Pɨareve pe ma Herodes güɨnoeukata tëi yave, jókuae pɨ̈tu etei Pedro oke oï mókoi sundaro ipäu pe, oñeapɨti reve oï mókoi karena pe jese reta. Jare ïru sundaro reta tembipɨɨrɨru jöke oäro ñogüɨnoi.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;