LEVÍTICO 26:44 - Biblia Guarani Tumpa Iñee

⁴⁴ Yepe tëi opaete kuae mbaembae reta oasa pe reta ndive, peiko ramboeve perovaicho reta iɨvɨ pe, che ngaraa pogüɨröɨro, ngaraa vi pogüɨromara jare pomokañɨtei, ngaraa amboai morogüɨrökuavee päve ayapo peñemuñagüe reta ndive vae, echa che ko peYa Tumpa.

LEVÍTICO 26:44 Iomraidhean Croise

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

SALMOS 103:13

Michia re tu oiparareko omae rami ko, yandeYa oiparareko omae oipoɨu chugüi vae reta re;

SALMOS 89:33

Ërei ngaraa cheapɨ aiparareko David, cheñee ambopo aveita chupe.

SALMOS 94:14

YandeYa ngaraa oeya imbae vae reta, ngaraa oeya iyangarekoambae imbae vae reta.

JEREMÍAS 14:21

¡Nderee reaɨu jeko pegua, agüɨye oremombo; agüɨye eröɨro tëta guasu ndeporookuaía mbaemboete pegua oïa! ¡Nemaendúa morogüɨrökuavee päve reyapo ore ndive vae re, agüɨye emboasaiño jökorai!

JEREMÍAS 24:5

“Che ndeYa, Israel iTumpa, jae: Judá re amaeta ɨva ikavi yae vae rami, jókuae amee opa oyererajauka Caldeaɨgua reta iɨvɨ pe vae reta. Aipararekota amae jese reta.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

EZEQUIEL 16:60

Ërei che chemaenduata jókuae morogüɨrökuavee päve ayapo nde ndive ndetaɨrusu yave vae re, jare ayapota nde ndive morogüɨrökuavee päve jekuae avei pegua.

LEVÍTICO 26:11

Jare che aikota pepɨte pe, ngaraa pogüɨröɨro;

Romanos 11:2

Tumpa mbaetɨ ko omombo tëta imbae vae, iyɨpɨ güive oikuaa vae. Peikuaa ko ñeemombeúa Elías regua oyekuatía oï vae. Kërai Elías oyerure Tumpa pe omboeko vaerä Israel pegua reta jei reve:

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

JUECES 2:1

YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,