LEVÍTICO 26:4 - Biblia Guarani Tumpa Iñee

⁴ che ambouta peve ama iara pe kavi, jare ɨvɨ omee kavita mbaagüɨye, jare ɨvɨra reta kaa rupigua ia kavita;

LEVÍTICO 26:4 Iomraidhean Croise

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

JOB 5:10

Ombou ama ɨvɨ iárambo vae; jae omongɨ ñana reta re.

SALMOS 104:13

Nde ko remboɨu kaa reta, ɨvate reïa güi, ama pe remboɨu kavi ɨvɨ.

SALMOS 67:6

Ɨvɨ pe oimeta mbaagüɨye; ¡yandeRu Tumpa iporerekuata yanderé!

SALMOS 67:7

¡CheRu Tumpa, ndeporerekua oreré! ¡Ndegüi toipoɨu opaete ɨvɨ pegua reta!

SALMOS 68:9

CheRu Tumpa, nde ko rembou jeta okɨ vaerä, ndeɨvɨ otini yae vae rembogüera katu ye.

SALMOS 85:12

YandeYa Tumpa ombouta ama, jare yandeɨvɨ pe oimeta mbaagüɨye.

SALMOS 85:13

Mbaejupi ojota jae jenonde, jare oyapo kavita yanderaperä.

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

EZEQUIEL 36:30

Ambojetata vi ɨvɨra reta ia, jare kó pe mbaagüɨye reta, agüɨye vaerä ma peangao pekaruai jeko pegua ïru tëtaguasu reta.

JOEL 2:22

Jevae ñana rupigua reta, agüɨye pekɨɨye; echa kapii reta ñuu rupigua jokɨ yeta, jare ɨvɨra reta ia yeta, ɨva jare uva reta ia yeta ko.

LEVÍTICO 25:19

yagüɨye kavita peremitɨ reta, jeta mbae penoita peu vaerä, jare peiko pɨagüiveta jókuae ɨvɨ pe.

LEVÍTICO 25:21

Jayave che, cheporerekuata peré ovaa año re, jare jókuae año pemboɨruta mbaagüɨye mboapɨ año peguarä;

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

Hechos 14:17

Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 11:14

jae ombouta peɨvɨ re ama, iara pe kavi, tenondegua ama jare taɨkuegua ama mbaetɨta oata, pearɨvo vaerä trigo jäɨ, uva tɨɨgüe jare olivo iasaite.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.

Santiago 5:7

Jáeramo, cherɨvɨ reta, pepɨaguasu yandeYa ou ye regua. Mase, omaetɨ vae oäro ko mbaagüɨye ikavi vae; oäro ipɨaguasu reve tenondegua ama.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.