LEVÍTICO 26:13 - Biblia Guarani Tumpa Iñee

¹³ Che ko peYa Tumpa, ɨvɨ Egipto güi perenoe vae, agüɨye vaerä peiko jembiokuai retarä, amondoo peñeapɨtía, jare che pogüɨroata peäka pemopüa reve kavi.

LEVÍTICO 26:13 Iomraidhean Croise

SALMOS 116:16

CheYa Tumpa, nderembiokuai ete ko che, nderembiokuai kuña imembɨraɨe ko che, nde ko cheyora cheñeapɨtía reta güi.

ÉXODO 14:8

YandeYa omotäta Faraón mburuvicha guasu Egipto pegua ipɨa, jare oaɨkuemoña Israel iñemuña reta; ërei Israel iñemuña reta mbaepuere yae ete rupi ko ñogüɨnoe yogüɨraja.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

ISAÍAS 9:3

Rembojeta kuimbae reta jare remoïru yerovia. Oyerovia retata nderóvai, mbaarɨvo iara pe oyerovia reta rami, ani ñeraroa pe opɨ̈rogüe omboyao yave oyerovia reta rami.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 28:2

—YandeYa Imbaepuere yae ete vae Israel iTumpa jei: “Amopëta yuvo mburuvicha guasu Babilonia pegua güi, jare

JEREMÍAS 28:4

Jare aruruka yeta kuae pe Jeconías, Joacim taɨ, jae ko mburuvicha guasu Judá pegua, jare opaete oyereraja Judá güi Babilonia pe vae. Echa che amopëta yuvo mburuvicha guasu Babilonia pegua güi.”

EZEQUIEL 30:18

Tafnes pe ara oyembopɨtumimbita, Egipto imbaepuere jare iyembotuicha amboai yave; pɨtumimbita chupe reta, jare tëta raɨ reta pegua reta oyererajaukata tembipɨɨrä.

EZEQUIEL 34:27

Ɨvɨra reta iata, ɨvɨ omeeta mbaagüɨye, jare jae reta yogüɨreko pɨagüiveta iɨvɨ pe. Aepɨ yave chembae vae reta tembɨpɨɨrä yogüɨreko vae güi, jayave chekuaa retata che ko jae peYa vae.

OSEAS 11:4

Kuimbae reta jɨmasa pe rami aroya cheyé, mboroaɨu rupi; kia nunga vae oekɨ güeye reta iyatua güi yuvo rami ko che, jare añono chupe reta tembíu.

LEVÍTICO 25:38

Che ko peYa Tumpa, ɨvɨ Egipto güi perenoe vae, amee vaerä peve ɨvɨ Canaán pe, jare aiko vaerä peTumparä.

LEVÍTICO 25:42

Echa cherembiokuai reta ko, che ko anoe reta ɨvɨ Egipto güi; agüɨye toñemee tembipɨɨ reta oñemee rami.

LEVÍTICO 25:55

echa cherembiokuai reta ko Israel iñemuña reta; cherembiokuai aeño ko. Che ko anoe reta ɨvɨ Egipto güi. Che ko peYa Tumpa.

NAHUM 1:13

Opata ambojaɨ jaɨ yuvo ndeayu re renoi vae jare amondoota neñeapɨtika.”