LEVÍTICO 23:4 - Biblia Guarani Tumpa Iñee

⁴ Jae kuae arete reta mbaemboete pegua cheveguarä, yemboatɨ reta mbaemboete pegua ko; kuae ara oväe ñavo peyomboatɨ:

LEVÍTICO 23:4 Iomraidhean Croise

NEHEMÍAS 8:15

jare oikuaauka reta vaerä omoërakuauka reta opaete tëta ñavo rupi, jare Jerusalén pe, jei reve: “Peë kaa kotɨ, jare peru ɨvɨra olivo jäkagüe, ɨvɨra Arrayán jee vae jäkagüe, karandaɨ jare oipotagüe ɨvɨra iküaraɨa kavi vae jäkagüe, peyapo vaerä o ñairaka pegua; mborookuai pe oyekuatía oï rami.”

ÉXODO 12:14

Jare kuae ara topɨta peve pemaendúa vaerä, jare peyapo arete tuicha yae vae che peYa peguarä, jare peñemuña reta toyapo vi jekuae avei.

ÉXODO 23:14

Año pe mboapɨ arete toyeapo cheve.

ISAÍAS 29:1

¡Paravete, tëta Ariel, David oikose pɨpe vae! Peroaño añoi peyapo jókuae pearete reta.

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

LEVÍTICO 23:2

“Ere Israel iñemuña reta pe: Peyapo arete reta ikavi yae vae cheve, pemoërakua yemboatɨ guasu mbaemboete pegua, jae kuae reta:

LEVÍTICO 23:21

Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

LEVÍTICO 23:37

Jae kuae arete reta ikavi yae vae cheveguarä, pemoërakua yemboatɨ guasu mbaemboete pegua, pemee vaerä mbota oyeapɨ vae cheve, mɨmba oyeyukagüe opaetei oyeapɨ vae jare mbota temitɨ jäɨgüe, jare mɨmba oyeyukagüe jare mbota vino oyepɨyere vae. Opaete kuaekuae toyeapo iara pe kavi.

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.