LEVÍTICO 22:8 - Biblia Guarani Tumpa Iñee

⁸ Mɨmba omanoiño vae ani mɨmba pochɨ vae ñana rupigua jembia agüɨye tou, agüɨye toyemongɨa pɨpe. Che ko peYa.

LEVÍTICO 22:8 Iomraidhean Croise

ÉXODO 22:30

jökoraita vi peyapo peguaka jare pevecha imembɨrɨpɨ kuimbae; chiu ara toñogüɨnoi ichɨ reta ndive jare juría ara pe peñono tee cheve.

ÉXODO 22:31

Peñeñono tee cheveguarä. Agüɨye peu mɨmba pochɨ vae ñana rupigua jembiagüe; pemombo yaɨmba reta pe.

EZEQUIEL 4:14

Jare che jae chupe: “¡Atataɨ cheYa!, che aikove aiko ramboeve mbaetɨi apoko mbae ikɨa oï Tumpa jóvai vae re; mbaetɨi jau mɨmba omanoiño vae isoo, ani mbaeporou jembia, mbaetɨi jau soo ikɨa oï Tumpa jóvai vae.”

EZEQUIEL 44:31

Sacerdote reta agüɨye etei tou güɨra ani ramo mɨmba omanoiñogüe ani ramo mɨmba pochɨ vae jembiagüe.

LEVÍTICO 17:15

Oipotagüe Israel iñemuña reta güi ani ketɨgua reta güi jou yave mɨmba omanoiño vae ani mɨmba pochɨ vae ñana rupigua jembia, toputuka jemimonde reta jare jae etei toyau vi, jare tikɨa topɨta Tumpa jóvai pɨ̈tu regua. Javoi topɨta ikɨambae.

LEVÍTICO 7:24

Mɨmba omanoiño vae ani mɨmba pochɨ vae ñana rupigua jembia ikɨragüe, peiporu oipotagüe mbae peyapo vaerä, ërei agüɨye peu.

DEUTERONOMIO 14:21

Agüɨye mɨmba omanoiño vae peu, echa pe ko tëta oñeñono tee yandeYa Tumpa peguarä vae, ërei pepuere pemee ketɨgua yogüɨreko pepɨte pe vae pe, jae reta ipuere jou, jare ketɨgua oasa jokoropi vae pe pepuere pemee. Agüɨye kavara raɨ isoogüe pemboyɨ ichɨ ineche pe.