LEVÍTICO 22:4 - Biblia Guarani Tumpa Iñee

⁴ Oipotagüe kuimbae Aarón iñemuña reta güi ipire mbaerasɨ ókui vae ani imbaerasɨ güi taɨ oë vae, agüɨye tou mbaembae oñeñono tee vae güi, okuera güire oyetɨo regua. Kia nunga vae oyavɨkɨ yave mbae tëogüe rupi ikɨa vae, ani kuimbae imbaerasɨ güi taɨ oë vae,

LEVÍTICO 22:4 Iomraidhean Croise

LEVÍTICO 11:39

Mɨmba oyeu vae omano pegüi vae jëogüegüe oyavɨkɨ vae, tikɨa topɨta Tumpa jóvai pɨ̈tu regua;

LEVÍTICO 15:17

Jare opaete jemimonde re ani mɨmba pire re oya yave jókuae mbaerasɨ oëgüe, toyeyoe ɨ pe jare tikɨa topɨta Tumpa jóvai pɨ̈tu regua.

LEVÍTICO 2:10

Jare jókuae mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko mbota reta güi cheveguarä.

LEVÍTICO 2:3

Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.

LEVÍTICO 21:1

YandeYa jei Moisés pe: “Ere Aarón iñemuña sacerdote reta pe agüɨye toyemongɨa reta Tumpa jóvai, tëta pe kia nunga vae omano vae rupi,

LEVÍTICO 21:22

Tumpa pe mbɨyape oñemee vae güi, jare mbaembae oñeñono tee vae jare oñeñono tee kavi yae vae güi ipuere jou,

HAGEO 2:13

Javoi Hageo jei ye: “Tëogüe oyavɨkɨ vae, oyavɨkɨ yave oipotagüe kuae oñeñono tee ñogüɨnoi vae, ¿ikɨata pa opɨta?” Jare sacerdote reta jei: “Ikɨata ko opɨta Tumpa jóvai.”

NÚMEROS 18:19

Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

NÚMEROS 18:9

Mbota reta oyeapɨ vae güi, kuae jae ndembaerä; mbota temitɨ jäɨgüe, mɨmba oyeyuka Tumpa iñɨ̈ro vaerä mbaeyoa re vae güi ani teko re vae güi, omee reta cheve yave; opaete kuae mbota reta toiko ndembaerä jare nderaɨ reta peguarä.

NÚMEROS 19:20

Jare ikɨa opɨta vae, mbaetɨ yave oyetɨo, jókuae nunga toyemombo ete kavi Israel iñemuña reta ipɨte güi, tupao guakapi pegua yandeYa imbae omongɨa jeko pegua; mbaetɨ oñeapiramo jese ɨ yetɨo pegua ramo; ikɨa ko Tumpa jóvai.