LEVÍTICO 21:6 - Biblia Guarani Tumpa Iñee

⁶ iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 21:6 Iomraidhean Croise

ESDRAS 8:28

Jare jae chupe reta: “Pe reta peñeñono tee ko yandeYa pe, jökoraiño vi kuae tembiporu reta oñeñono tee ko. Korepoti jare oro jae ko mbota reta oñemee pɨa-kɨ̈reɨ ngatu reve yandeYa pe vae, ñaneñemuñagüe reta iTumpa.

ÉXODO 19:22

Jaeramiño vi sacerdote reta oya chekotɨ vae toñeñono tee, agüɨye vaerä maratu ayapo reta.

ÉXODO 28:36

Tomboipeasɨ reta vi oro oyeambae äka-ɨru jesɨva reguarä, jare toikuatía reta jese kuae ñee reta: “ÑEÑONO TEE YANDEYA PE.”

ÉXODO 29:44

Jare añono teeta tupao guakapi pegua jare mɨmba oyeyuka oyeapɨ jese vae; jökoraiño vi añono teeta Aarón jare taɨ reta, yogüɨreko vaerä chesacerdoterä.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 19:12

Agüɨye pere raangaiño cheree re añete vae nunga, echa pemboeteä ko peTumpa jee. Che ko peYa.

LEVÍTICO 20:3

Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

LEVÍTICO 21:17

“Ere Aarón pe metei ave taɨ reta ani taɨ iñemuña reta jete oikomegua reve, agüɨye togüɨroike mbɨyape Tumpa pe.

LEVÍTICO 21:21

Metei ave kuimbae sacerdote Aarón iñemuña reta güi jete oikomegua vae, agüɨye tomee mbota reta oyeapɨ vae cheve. Echa oikomegua ko, agüɨye tou tomee mbota mbɨyape Tumpa pe.

LEVÍTICO 21:23

ërei agüɨye toya asoya o imboyaoa re, ani mɨmba oyeyuka oyeapɨ jese vae re, echa jete oikomegua ko, agüɨye vaerä omongɨa chero mbaemboetea. Echa che ko peYa poñono tee vae.”

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 3:11

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 28:2

“Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.