LEVÍTICO 20:3 - Biblia Guarani Tumpa Iñee

³ Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

LEVÍTICO 20:3 Iomraidhean Croise

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

LEVÍTICO 15:31

Jökorai toñeñono tee Israel iñemuña reta ikɨa yave, agüɨye vaerä omano reta omongɨa yave chero guakapi pegua ipɨte pe oï vae.”

LEVÍTICO 17:10

Oipotagüe kuimbae Israel iñemuña reta güi ani ketɨgua reta yogüɨreko pepɨte pe vae güi jou yave tugüɨ, che tayovaicho jókuae tugüɨ jou vae ndive, che tamombo ete kavi jëtara reta ipɨte güi.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 19:12

Agüɨye pere raangaiño cheree re añete vae nunga, echa pemboeteä ko peTumpa jee. Che ko peYa.

LEVÍTICO 20:4

Ërei jókuae tëtaɨgua reta mbaetɨ yave oyuka ita pe jókuae kuimbae omee imichia tumpa-raanga Moloc jee vae pe,

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 7:20

Ërei che peYa jóvai ikɨa oï reve jou yave jókuae mɨmba oyeyukagüe yembopɨakatu pegua isoogüe chembae, toyemombo ete kavi jëtara reta ipɨte güi.

LEVÍTICO 7:21

Jaeramiño vi oime yave opoko mbae ikɨa vae re, japicha ikɨagüe re, ani mɨmba oyeumbae vae re, ani oipotagüe mbae pɨ̈chɨi ikɨa vae re, jare jökorai reve jou yave mɨmba oyeyukagüe yembopɨakatu pegua chembae, jókuae jou vae toyemombo ete kavi jëtara reta ipɨte güi.”

NÚMEROS 19:13

Kia nunga vae oyavɨkɨ yave oipotagüe kia jëogüe, ërei mbaetɨ oyetɨo yave, tupao guakapi pegua yandeYa imbae ko omongɨa; jókuae nunga toyemombo ete kavi Israel iñemuña reta ipɨte güi; mbaetɨ ramo ɨ yetɨo pegua oñeapiramo jese, tikɨa topɨta Tumpa jóvai. Toiporara jeko ae re.

NÚMEROS 19:20

Jare ikɨa opɨta vae, mbaetɨ yave oyetɨo, jókuae nunga toyemombo ete kavi Israel iñemuña reta ipɨte güi, tupao guakapi pegua yandeYa imbae omongɨa jeko pegua; mbaetɨ oñeapiramo jese ɨ yetɨo pegua ramo; ikɨa ko Tumpa jóvai.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

1 Pedro 3:12

Echa yandeYa oyangareko jupi vae reta re, jare oyeapɨsaka avei oï iyerure reta re; ërei yandeYa iyarasɨ ko ikavimbae vae oyapo vae reta kotɨ.”