LEVÍTICO 2:2 - Biblia Guarani Tumpa Iñee

² Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.

LEVÍTICO 2:2 Iomraidhean Croise

NEHEMÍAS 13:14

¡CheRu Tumpa: Nemaendúa kuae ayapogüe re, agüɨye neakañɨ ikavi vae ayapo kuae ndero jo kotɨ vae, jare mbaemboete oñemee pɨpe vae kotɨ vae!

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

ÉXODO 30:16

Jayave, eipɨɨ Israel iñemuña reta güi korepoti omee mbaeyoa oyemboai vaerä vae, jare emee tupao guakapi pegua pe mbaravɨkɨ oyeapo vaerä. Mbaeyoa oyemboai vaerä omee reta jekove re vae, toiko chemomaendúa vaerä Israel iñemuña reta re.”

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

LEVÍTICO 1:13

Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:17

Jare toipeka ikupepɨte rupi ipepo reta ipäu rupi, ërei agüɨye tomboyao oyougüi; jare sacerdote toapɨ mɨmba oyeyuka oyeapɨ jese vae re, yepea oï tata pe vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 2:16

Jare sacerdote toapɨ mbovɨ, jókuae mbota reta oñemee vae jekovia pe; temitɨ jäɨ oyeapasogüe güi, olivo iasaite jare opaete ikäti kavi vae incienso, echa mbota oyeapɨ vae ko cheveguarä.

LEVÍTICO 2:9

Jare sacerdote toekɨ mbovɨ jókuae mbota oñemee vae güi jekovia peguarä; jare toapɨ mɨmba oyeyuka oyeapɨ jese vae re, mbota ipiche katu vae ko cheveguarä.

LEVÍTICO 24:7

Peñono vi mbɨyape mókoi atɨ vae re ikäti kavi vae incienso, oyeapɨ vaerä mbɨyape reta jekovia pe, mbota oyeapɨ cheve vae ko.

LEVÍTICO 4:31

Jare toekɨ chugüi, opaetei ikɨragüe mɨmba oyeyukagüe yembopɨakatu pegua ikɨragüe oyeekɨ rami, jare sacerdote toapɨ mɨmba oyeyuka oyeapɨ jese vae re, ipiche katu vaerä cheve, jökorai sacerdote toyapo chupe, cheɨ̈ro vaerä iyoa re, jare cheɨ̈rota chupe.

LEVÍTICO 5:11

Ërei mbaetɨ korepoti oupitɨ chupe ogua vaerä mókoi pɨkasui ani mókoi pɨkasutï yave, mbaeyoa oyapo vae togüeru mókoi kilo trigokúi ipɨuasɨ vae Tumpa iñɨ̈ro vaerä chupe iyoa re, agüɨye toñono jese olivo iasaite ani ikäti kavi vae incienso, echa cheɨ̈ro mbaeyoa re vaerä ko.

LEVÍTICO 5:12

Togüeru sacerdote pe jare jae toekɨ metei poagua joko güi, jókuae mbota jekovia pe, jare toapɨ mɨmba oyeyuka oyeapɨ jese vae re mbota reta oyeapɨ cheve vae iárambo; echa cheɨ̈ro mbaeyoa re vaerä ko.

LEVÍTICO 6:15

Jare jókuae mbota trigokúi ipɨuasɨ vae güi toekɨ metei poagua, jare olivo iasaite, jare ikäti kavi vae incienso mbota ndive oï vae jare toapɨ mɨmba oyeyuka oyeapɨ jese vae re, jókuae mbota reta oñemee vae jekovia pe, mbae ipiche katu vae ko cheveguarä.

NÚMEROS 5:18

jare sacerdote tomboyemboɨ jókuae kuña yandeYa jóvai, jare toipea iñäka, toñono ipo pe mbota oporomboyekuaa vae, echa mbota tägüɨro pegua ko; jare sacerdote togüɨnoi ipo pe jókuae ɨ iro vae, yepopeyu pegua.

NÚMEROS 5:26

Sacerdote toekɨ metei ipo mbota yemomaendúa pegua kuña re, jare toapɨ mɨmba oyeyuka oyeapɨ jese vae re, javoi tomee tou kuña ɨ iro vae. Omee güire jou ɨ iro vae;

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.