LEVÍTICO 16:5 - Biblia Guarani Tumpa Iñee

⁵ Jare Israel iñemuña reta güi togüeru mókoi kavara kuimbae, cheɨ̈ro vaerä mbaeyoa re, jare metei vecha kuimbae opaetei oyeapɨ vaerä.

LEVÍTICO 16:5 Iomraidhean Croise

2 CRÓNICAS 29:21

Jare güɨraja reta chiu toro taɨrusu vae, chiu vecha kuimbae, chiu vecha kuimbae taɨrusu vae, jare chiu kavara kuimbae Tumpa iñɨ̈ro vaerä mbaeyoa reta re: Mburuvicha guasu reta pe, o mbaemboetea pe oyeokuai vae reta pe jare Judá pegua reta pe. Javoi mburuvicha guasu oyókuai sacerdote reta Aarón iñemuña reta omee vaerä yandeYa pe mɨmba oyeyukagüe opaetei oyeapɨ vae mɨmba oyeapɨ jese vae re.

ESDRAS 6:17

Jare Tumpa jo oñeñono tee omboarete vae peguarä omee reta cien toro taɨrusu vae, dosciento vecha kuimbae jare cuatrociento vecha kuimbae taɨrusu vae; jare Israel iñemuña reta pe Tumpa iñɨ̈ro vaerä iyoa re, doce kavara kuimbae, Israel taɨ reta iñemuña ñavo re.

LEVÍTICO 1:10

Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.

LEVÍTICO 4:3

Sacerdote tenondegua etei iyoa yave omboekouka vi ko tëta pegua reta, jökorai yave tomee cheve metei toro taɨrusu jete kavi vae, cheɨ̈ro vaerä mbaeyoa re.

LEVÍTICO 8:14

Javoi güeruruka toro taɨrusu vae ñɨ̈ro pegua; Aarón jare taɨ reta oñono ipo jókuae mɨmba iñäka re.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

LEVÍTICO 9:2

Jare jei Aarón pe: “Eipɨɨ mɨmba reta güi jete kavi vae metei toro taɨrusu vae, ñɨ̈ro pegua, jare vecha kuimbae opaetei oyeapɨ vaerä, jare emee yandeYa jóvai.

NÚMEROS 29:11

Pemee vi metei kavara kuimbae Tumpa iñɨ̈ro vaerä mbaeyoa re; oñemee reve jókuae Tumpa iñɨ̈ro vaerä mbaeyoa re vae iara pe, jare mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae oñemee jae ndive vae.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;