LEVÍTICO 16:2 - Biblia Guarani Tumpa Iñee

² YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

LEVÍTICO 16:2 Iomraidhean Croise

1 REYES 6:16

Oyapo vi tupao jugua pe o chau metro ipɨgüe vae, jare oñova ɨ̈vɨrare oñeopagüe pe ɨvate güive ɨ́vɨkotɨ, oyapo kavi yae, tupao japɨpe oñeñono tee kavi yae Tumpa peguarä vae.

1 REYES 8:6

Jaɨkue rupi sacerdote reta güɨroike käjou morogüɨrökuavee päve pegua yandeYa imbae tupao japɨpe oñeñono tee kavi yae vae pe, jókuae araɨgua reta iä ipepo igüɨ pe,

2 CRÓNICAS 5:14

Jare sacerdote reta mbaetɨ ipuere ñogüɨnoi joko pe oparavɨkɨ vaerä jókuae amapɨtu jeko pegua, echa yandeYa iyemboetea omotɨnɨe tupao guasu.

ÉXODO 30:10

Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

LEVÍTICO 16:13

Jare toñono jókuae ikäti kavi vae incienso tata pe, cheróvai, jare jätati toñova ñɨ̈ro renda, käjou yemomaendúa pegua iárambo oï vae. Jökorai agüɨye vaerä omano sacerdote Aarón.

LEVÍTICO 16:34

Kuae mborookuai jekuae avei pegua toiko peveguarä: Pemee mɨmba oyeyukagüe cheɨ̈ro vaerä mbaeyoa re vae, metei vese año pe Israel iñemuña reta re.” Jare Moisés oyapo yandeYa oyókuai vae rami.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

LEVÍTICO 8:35

Chiu ara peï tupao guakapi pegua jöke pe, ara pe jare pɨ̈tu yave. Peyapo yandeYa iporookuai agüɨye vaerä pemano, echa jökorai cheokuai yandeYa jae vaerä peve.”

NÚMEROS 17:10

Jare yandeYa jei Moisés pe: “Eraja ye Aarón ipopoka käjou yemomaendúa pegua jóvai, oñeñovatu vaerä ipɨarai vae reta oecha vaerä. Jökorai emokïrii cheróvai güi, agüɨye vaerä omano reta.”

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

NÚMEROS 4:19

Oikoveño reta vaerä oyavɨkɨ yave mbaembae oñeñono tee kavi yae vae; kuae peyapo jae reta ndive: Aarón jare taɨ reta toyogüeru tomee metei ñavo pe iparavɨkɨ ae jare ivoɨta aerä.

NÚMEROS 4:5

Teyupa oyereroyakavota yave, toyogüeru Aarón jare taɨ reta, jare topa toekɨ asoya o imboyaoa, jare toyasoi pɨpe käjou yemomaendúa pegua;

San Mateo 27:51

Jayave asoya tupao imboyaoa osoro mbɨte rupi ɨvate güi ɨ́vɨkotɨ. Jare ɨvɨ okana jare ita guasu reta oyeka.

Hebreos 6:19

Jókuae ñaäro ñaï yayerovia reve vae jae ko yandemborɨ agüɨye vaerä yapia Tumpa güi, oike asoya o imboyaoa japɨpe pe,

Hebreos 9:25

ërei mbaetɨ ko oike avei, sacerdote tenondegua ete año ñavo oike cuarto oñeñono tee kavi yae vae pe tugüɨ ambuae ndive vae rami;

Hebreos 9:3

Jare ïru cuarto asoya omboyao vae ikupe pegua jee, cuarto Oñeñono tee kavi yae vae,

Hebreos 9:5

Jare jókuae käjou oro katuai vae iárambo ñogüɨnoi mókoi araɨgua reta querubín iä, oñova reta güɨnoi ipepo pe ñɨ̈ro renda. Kuae reta re mbaetɨ chepuere amombeu kavi peve añave.

Apocalipsis 15:8

Jare tupao tɨnɨe tätati pe, Tumpa iyemboetea jare imbaepuere rupi. Jare mbaetɨ etei kia ipuere oike tupao pe, ndei jókuae chiu mbaesusere jókuae chiu araɨgua reta güɨnoi vae oyeapo mbove.