LEVÍTICO 12:6 - Biblia Guarani Tumpa Iñee

⁶ Jare yetɨo iara reta opa omboapɨ yave, imembɨ kuimbae re, ani kuña re; togüeru metei vecha kuimbae taɨrusu vae metei año vae mɨmba opaetei oyeapɨ vaerä, jare metei pɨkasutï taɨrusu vae ani pɨkasui cheɨ̈ro vaerä mbaeyoa re. Togüeru sacerdote pe tupao guakapi pegua jöke pe.

LEVÍTICO 12:6 Iomraidhean Croise

GÉNESIS 15:9

Jae jei chupe: —Eru emee cheve metei guaka taɨrusu vae mboapɨ año vae, jare metei kavara mboapɨ año vae, jare metei vecha kuimbae mboapɨ año vae, metei pɨkasui vi jare metei pɨkasutï taɨrusu vae.

LEVÍTICO 12:2

“Ere Israel iñemuña reta pe körai: Kuña ipurúa jare imembɨ oa vae kuimbae ko yave, tikɨa topɨta Tumpa jóvai chiu ara, tugüɨ oiporara yasɨ ñavo vae rami.

LEVÍTICO 12:5

Jare imembɨ, kuña ko yave, tikɨa topɨta Tumpa jóvai mókoi semana, oiporara yasɨ ñavo vae rami, jare sesenta y seis ara toyetɨo toiko jugüɨ güi.

LEVÍTICO 12:7

Jare sacerdote tomee cheróvai oyemboai vaerä kuña güi iyoa, jare topɨta ikɨambae jugüɨ güi.” Jae ko kuae mborookuai kuña imembɨ oa yave kuimbae ani kuña.

LEVÍTICO 14:22

jare mókoi pɨkasui, ani mókoi pɨkasutï, jae ipuereta oyapo vae; metei, cheɨ̈ro vaerä mbaeyoa re jare ïru, opaetei oyeapɨ vaerä.

LEVÍTICO 15:14

Jare chiu araa pe toipɨɨ mókoi pɨkasui jare mókoi pɨkasutï, jare togüeru cheróvai tupao guakapi pegua jöke pe, jare tomee sacerdote pe.

LEVÍTICO 15:29

Juri araa pe, togüeru sacerdote pe mókoi pɨkasui jare mókoi pɨkasutï, tupao guakapi pegua jöke pe.

NÚMEROS 6:10

Jare juría ara pe togüeru mókoi pɨkasu ani pɨkasutï sacerdote pe, tupao guakapi pegua jöke pe.

San Lucas 2:22

Jare ara ou oväe María ojo vaerä yandeYa jo pe, oyetɨouka vaerä ikɨa Tumpa jóvai vae güi, Moisés iporookuai pe jei rami. Jayave tu jare ichɨ güɨraja Jesús tëta guasu Jerusalén pe yandeYa jo pe oñono teeuka vaerä Tumpa peguarä.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;