LEVÍTICO 10:6 - Biblia Guarani Tumpa Iñee

⁶ Jayave Moisés jei Aarón pe jare taɨ reta Eleazar jare Itamar pe: —Agüɨye peekɨ peäka-ɨru, agüɨye pemondoro peremimonde mbɨatɨtɨ jeko pegua, agüɨye vaerä pemano, agüɨye vaerä Tumpa iyarasɨ ou opaete perëtara reta re, ërei opaete Israel iñemuña reta tipɨatɨtɨ kuae yandeYa opa oapɨ vae reta re.

LEVÍTICO 10:6 Iomraidhean Croise

2 SAMUEL 24:1

YandeYa iyarasɨ ye Israel iñemuña reta kotɨ, jare omokɨ̈reɨ David ipɨa pe ikotɨ reta, oipapa vaerä Israel pegua reta jare Judá pegua reta.

ESDRAS 7:5

Buqui jae ko Abisúa taɨ, Abisúa jae ko Finees taɨ, Finees jae ko Eleazar taɨ jare Eleazar jae ko Aarón sacerdote tenondegua ete taɨ.

ÉXODO 33:5

echa yandeYa jei yepe Moisés pe: —Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”

ÉXODO 6:23

Aarón güɨreko Elisabet, Aminadab tayɨ, Naasón jeindɨ; kuae imembɨ chupe jare ombojee: Nadab, Abiú, Eleazar jare Itamar.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

LEVÍTICO 13:45

Jare ipire mbaerasɨ ókui vae tomonde temimonde osorogüe jare tiñäka-güɨrai, jare jova toñova jare tosapúkai: ‘¡Ikavimbae ko che! ¡Ikavimbae ko che!’

MIQUEAS 1:16

Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

NÚMEROS 1:53

ërei Leví iñemuña reta toyembojeyupa tupao guakapi pegua iyɨ́vɨri oäro reta vaerä; agüɨye vaerä Tumpa iyarasɨ oa Israel iñemuña reta re.”

NÚMEROS 14:6

Jare Josué, Nun taɨ jare Caleb, Jefone taɨ, kuae reta ko jókuae ɨvɨ re opa yogüɨraja omae vae, omondoro reta jemimonde ipɨatɨtɨ güi,

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

NÚMEROS 18:5

pe reta peyapo mbaravɨkɨ o mbaemboetea pegua jare mɨmba oyeyuka oyeapɨ jese vae pegua, agüɨye vaerä mo ou arasɨ Israel iñemuña reta re.

NÚMEROS 20:25

Eraja Aarón jare taɨ Eleazar, jare eroyeupi ɨvɨtɨ Hor re;

NÚMEROS 5:18

jare sacerdote tomboyemboɨ jókuae kuña yandeYa jóvai, jare toipea iñäka, toñono ipo pe mbota oporomboyekuaa vae, echa mbota tägüɨro pegua ko; jare sacerdote togüɨnoi ipo pe jókuae ɨ iro vae, yepopeyu pegua.

DEUTERONOMIO 33:9

tu jare ichɨ kotɨ jei vae: ‘Mbaetɨi ko aecha reta’, jare mbaetɨ oipota oikuaa jëtara reta, jare taɨ reta ave mbaetɨ oipota oikuaa. Jae reta oyapo neñee jei vae, ombopo reta neporogüɨrökuavee päve.

JOSUÉ 22:18

¿Jókuae jaekaviño maä pa, pe reta jekuae pesɨrɨ ye vaerä yandeYa güi? Pe reta añave pepɨapochɨ yandeYa kotɨ, pɨareve jae iyarasɨta opaete Israel iñemuña reta kotɨ.

JOSUÉ 22:20

Pemaendúa Acán, Zera taɨ re, iyoa oñeñono tee okañɨtei vaerä vae re opoko yave, kuae jeko pegua ou arasɨ opaete Israel iñemuña reta re. ¡Jókuae kuimbae mbaetɨ jaeño oiporara iyoa re!

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

JOSUÉ 7:11

Israel iñemuña reta iyoa, oyavɨ cheporogüɨrökuavee päve che ayókuai reta tëi vae. Oipɨɨ reta mbaembae yepopeyu oï jese vae güi; oñomi reta, yapu reta, jare oñovatu reta imbaembae ipɨte pe.