LEVÍTICO 10:3 - Biblia Guarani Tumpa Iñee

³ Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 10:3 Iomraidhean Croise

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

JOB 2:10

Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

SALMOS 39:10

Eekɨ chegüi reiporarauka cheve vae; cheyukata ma ndepo reñono cheré vae.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 89:7

Tumpa kɨɨyea araɨgua reta ipɨte pe, tuicha yae opaete iyɨ́vɨri rupi ñogüɨnoi vae reta pe.

SALMOS 93:5

CheYa Tumpa, ndeporookuai reta oyepoepɨmbae ko, ¡ñeñono tee ko ndero imopöraka, jekuaekuae avei rupi!

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ÉXODO 19:22

Jaeramiño vi sacerdote reta oya chekotɨ vae toñeñono tee, agüɨye vaerä maratu ayapo reta.

ÉXODO 19:24

Ërei yandeYa jei chupe: —Egüeyɨ ekua, jare eyeupi ye eyu Aarón ndive; ërei sacerdote reta jare Israel iñemuña reta agüɨye toasa oyembojaanga oï vae, oyeupi reta vaerä che aïa pe; agüɨye vaerä maratu ayapo reta.

ÉXODO 30:30

Aarón jare taɨ reta re epɨyere vi kuae asaite, jökorai eñono tee reta yogüɨreko vaerä chesacerdoterä,

ISAÍAS 39:8

Jayave Ezequías jei Isaías pe: —Jókuae ñee reru cheve yandeYa güi vae, ikavi ko. Jare jei ye: —Ërei aikove aiko ramboeve oimeñota mbɨakatu jare oiko pɨagüive vae.

ISAÍAS 49:3

Jare jei cheve: “Israel, nde ko cherembiokuai, nderé ayemboeteukata.”

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

EZEQUIEL 28:22

Ere chupe reta: ‘CheYa Tumpa jei körai: Sidón, che ayovaicho nde kotɨ, nderé ayemboeteukata. Aiporarauka ndeve jupi rupi, jare aechauka ndeve aiko tee vae yave, opaete vae oikuaata che ko jae Tumpa vae.

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

EZEQUIEL 40:46

jare cuarto omae ɨvɨtuguasu kotɨ vae, jae ko sacerdote reta mɨmba oyeyuka oyeapɨ jese vae iyangarekoa reta imbae; jae ko Sadoc iñemuña reta, kuae reta oyeparavo Leví iñemuña reta güi oyeokuai vaerä yandeYa pe.”

EZEQUIEL 42:13

Jare jei cheve: “Cuarto reta ñogüɨnoi ɨvɨtuguasu kotɨ jare arayevɨ kotɨ, ipombaea jóvai vae, cuarto reta oñeñono tee vae ko. Joko pe sacerdote reta oyeokuai yandeYa pe vae jouta mbota reta oñeñono teegüe; joko pe toñono reta mbota reta oñeñono tee vae, mbota reta ñɨ̈ro pegua, jare mɨmba oyeyuka oyeapɨ mbaeyoa regua vae, echa kuae cuarto reta oñeñono tee vae ko Tumpa peguarä.

LEVÍTICO 21:15

agüɨye vaerä omongɨa iñemuña reta, jëtaɨgua reta ipɨte pe; echa che peYa ko añono tee reta.”

LEVÍTICO 21:17

“Ere Aarón pe metei ave taɨ reta ani taɨ iñemuña reta jete oikomegua reve, agüɨye togüɨroike mbɨyape Tumpa pe.

LEVÍTICO 21:21

Metei ave kuimbae sacerdote Aarón iñemuña reta güi jete oikomegua vae, agüɨye tomee mbota reta oyeapɨ vae cheve. Echa oikomegua ko, agüɨye tou tomee mbota mbɨyape Tumpa pe.

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 22:9

Toñovatu reta ipɨa pe cheporookuai, agüɨye tiyoa topɨta kuae reta re, echa omano retata ko omboeteä yave. Che ko peYa poñono tee vae.

LEVÍTICO 8:35

Chiu ara peï tupao guakapi pegua jöke pe, ara pe jare pɨ̈tu yave. Peyapo yandeYa iporookuai agüɨye vaerä pemano, echa jökorai cheokuai yandeYa jae vaerä peve.”

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 20:12

Jare yandeYa jei Moisés jare Aarón pe: —Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Juan 12:28

CheRu, eyapo emboeteuka nderee.” Jayave oyeendu ñee ara güi jei: “Amboeteuka ma ko, jare amboeteuka yeta.”

San Juan 14:13

Opaete mbae re peyerure cheRu pe cheree re yave, che ayapota ko, cheRu oyemboeteuka vaerä cherupi.

DEUTERONOMIO 32:51

peyoa chekotɨ jeko pegua Israel iñemuña reta jóvai ɨ Meriba pegua pe, Cades pe, ñuu Zin pe, mbaetɨ chemboeteuka Israel iñemuña reta jóvai jeko pegua.

2 Tesalonicenses 1:10

yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.

1 SAMUEL 3:18

Jare Samuel omombeu chupe opaete, oikuakumbae reve mbae. Jayave Elí jei: —¡YandeYa ko! ¡Toyapo jaekavi chupe vae!

1 SAMUEL 6:20

Jayave Bet-semes pegua reta jei: “¿Kia pa ipuere oï yandeYa Tumpa iyoambae jóvai? ¿Ketɨ pa yamondota Tumpa ikäjou yandegüi?”